Alikreukel / Periwinkle

'n Alikreukel lyk omtrent soos 'n groot slak. Hierdie skulpvis klou aan rotse vas, maar jy kan hulle maklik met die hand afhaal.

Voor jy hulle kook moet hulle goed gewas word in varswater. Jy kan hulle maar so vyf keer goed afspoel.

Kook hulle net so in die skulp in soutwater vir 15 minute. Nou behoort die harde gedeelte waarmee hulle die skulp toemaak maklik af te kom.

Verwyder die alikreukel uit die skulp, sny die harde gedeelte en die maag af.

Nou is hy gereed vir opbedien saam met knoffelbotter en vars brood.