Asperges à la flamande / Aspersies met eier

12 wit aspersies
2 gekookte eiers
30 g botter, gesmelt
Vars gekapte pietersielie
Sout en peper

Skil die aspersies en sny die punte af.
Plaas in gesoute kookwater en kook vir 6 minute.
Dreineer.

Druk die eier fyn en meng met die botter en pietersielie, sout en peper na smaak.
Gooi oor die aspersies en bedien.

Ertjies, op die Vlaamse manier

500 mℓ ertjies
500 g spek, in blokkies geknip
45 mℓ botter
125 mℓ vleisaftreksel
1 kropslaai, fyn gesny
fyngekapte pietersielie vir garnering

Smoor die spek in die botter en vleisaftreksel.

Voeg die kropslaai by, gooi genoeg water by om alles te bedek en kook vir 1 uur.

Gooi die ertjies by en kook nog 30 minute.

Dreineer en plaas terug in die kastrol oor lae hitte. Net lank genoeg sodat die meeste van die oorblywende water weggekook het.

Strooi pietersielie oor en bedien.

Vlaamse witwynsop

het 2 liter hoendersop nodig om mee te begin. Hierby roer jy ’n knypie neutmuskaat en 350 mℓ droë witwyn.
Kook stadig tot dit stomend warm is.

Bedien saam met dik snye witbrood.

Vlaamse sop / Flemish Soup

groot bos bronkors, fyngesnipper
knypie sout
5 mℓ witasyn
4 aartappels, geskil en in kwarte gesny
50 g botter
500 mℓ bouillon

Kook die bronkors stadig in 1,5 liter water saam met die aartappels, sout en asyn.
Voeg die bouillon by en kook nog 20 minute.

Roer die botter by net voor die sop bedien word.

Vlaamse stoofgereg

900 g dikribskyf, in 5 cm blokkies gesny
2 eetlepels botter
2 uie, fyngekap
1 eetlepel meelblom
1 knoffelhuisie, fyngedruk
½ teelepel sout
280 ml warm water
280 ml bier
bouquet garni
peper
knippie neutmuskaat
knippie suiker
1 teelepel witwynasyra

Verhit die botter in 'n vuurvaste swaarboompot tot baie warm, net voor dit begin bruin word.

Sit genoeg vleis in die pot om die bodem te bedek en braai vinnig bruin aan beide kante.
Herhaal dit met al die vleis.
Hou die vleis eenkant.

Verlaag die hitte en braai die uie bruin.
Meng die meelblom by. Daar moet net genoeg vet van die vleis oor wees om met die meelblom te meng. Gooi enige ekstra vet af.
Roer die knoffel by en plaas die vleis terug.

Voeg die res van die bestandele by en roer goed met 'n houtlepel tot al die bruingebraaide deeltjies van die boom en kante van die pot los is.

Maak die pot toe en plaas in die oond vir 2 uur by 160ºC.

Verwyder die bouquet garni voor jy dit bedien.

(bedien 4 persone)