Pappa al Pomodoro / Toskaanse broodsop

Pappa al Pomodoro is 'n Italiaanse broodsop, maar voel vry om dit ook as 'n sous te gebruik. Dit is ook handige gebruik vir ou brood.

BESTANDDELE
½ koppie olyfolie
½ ui, fyn opgesny
3 knoffelhuisies, fyngedruk
½ teelepel sout plus na smaak
6 heel geskilde tamaties, vars of ingemaak; grof gekap
2 stukkies parmesaanskil
'n handvol vars basiliekruidblare, hou die stingels eenkant
4 koppies blokkies ou brood
vars gerasperde parmesaan

STAPPE
Verhit 'n ¼ koppie olyfolie, die ui, knoffel en sout in 'n kastrol. Kook tot sag, 10 minute.

Voeg die tamaties en hul sap by, nog 'n knippie sout, die parmesaanskille en die basiliestingels by. Kook oor lae hitte en roer gereeld - 30 minute.

Voeg die oorblywende ¼ koppie olyfolie en die brood by en bedek en kook vir nog 30 minute.

Verwyder van die hitte en voeg die basilie by en proe vir sout. Laat dit staan vir 30 minute voor jy dit gebruik.

Bedien met parmesaan.

Ramen sop vir middagete

BESTANDDELE
Gekookte ramen- of ander sop (soos boontjie- of lensiesop)
1 gekookte eier, in die helfte gesny
Stingeluie, in stukkies gesny
vars grooente van jou keuse, dink gehalveerde baba-tamaties, kropslaai, ingelegde uie, avokado
Jy kan ook koue vleis gebruik.

STAPPE
Verhit die sop in 'n pot tot die temperatuur wat jy verkies.
Plaas dan die gehalveerde gekookte eiers in die pot en laat dit vir nog 30 verhit.

Voeg die groente by en eet.

Raap sop / Turnip Soup

BESTANDDELE
2 eetlepels botter
2 eetlepels olyfolie
1 ui, fyngekap
1 teelepel sout, plus na smaak
2 koppies gekapte raap
1 aartappel, geskil en gekap
'n knippie tiemieblare
1,7 liter aftreksel (hoender, sampioen, groente of dashi)
'n bietjie room (opsioneel)

STAPPE
Plaas die botter, olyfolie, ui en sout in 'n pot en kook oor medium-lae hitte tot sag, ongeveer 10 minute.

Voeg die oorblywende bestanddele behalwe die room by en kook oor 'n lae hitte tot heeltemal sag, ten minste 20 minute.

Meng tot dit 'n gladde sop is.
Voeg die room by, proe vir sout en pas aan.

Hollandse ertjiesop

Die sop is geurig en besonders ryk in voedingswaarde.

BESTANDDELE
250 g groen split-ertjies
500 g beesskenkel of varkpootjie
2 liter koue water
2 groot selderystingels met blare, grof gekap
1 ui, grof gekap
1 prei, in ringe gesny
2 groot wortels, in ringe gesny
2 groot aartappels, in kwarte opgesny
125 g swoerdlose spekrepies (±6)
50 ml koekmeelblom
500 ml water of melk
5 ml biefekstrakpoeier
2,5 ml sout
30 ml gekapte pietersielie
1 - 2 gerookte kontinentale worse (opsioneel), byvoorbeeld 1 Hollandse kookwors of 2 Frankfurters
sout en wit / vars gemaalde swart peper
'n bietjie ekstra water om te verdun (opsioneel)

STAPPE
Plaas die ertjies, vleisbene en 1 liter van die water in 'n groot kastrol en bring tot kookpunt. Verlaag die hitte, bedek gedeeltelik en prut stadig vir ongeveer 1 ½ uur of totdat die vleis en ertjies heeltemal sag is. Laar 'n rukkie afkoel.

Plaas intussen die oorblywende water in a kastrol saam met die seldery, ui, prei, wortels en aartappels en bring tot kookpunt. Verlaag die hitte, bedek en prut totdat die groente heeltemal sag is, Laat 'n rukkie afkoel.

Lig die vleisbene met 'n dreineerlepel uit die eerste kastrol en plaas die ertjies en vloeistof in die bak van 'n voedselverwerker. Versap tot glad en giet die puree terug in die kastrol.

Plaas 'n sif oor die kastrol en giet die groente en vloeistof daardeur. Plaas die groente in die bak van 'n voedselverwerker en versap to glad. Voeg by die kastrol met die ertjiepuree en vloeistof.

Verwyder die vleis van die bene, doen weg met die vet en bene en sny die vleis in klein stukkies, Voeg die vleis by die kastrol.

Kap die spek grof en braai in 'n aparte kastrol tot gaar maar nog nie bros nie. Roer die meelblom en water of melk by en bring tot kookpunt terwyl met 'n ballon draadklitser geroer word om 'n gladde verdikte sous te verkry. Voeg die sous by die sop.

Roer die mengsel tot egalig vermeng en voeg die biefekstrakpoeier, sout, pietersielie en gerookte wors by en prut stadig vir 15 minute lank. Pas die geurmiddels aan en voeg nog 'n bietjie water by om die sop te verdun indien nodig.

Haal die wors uit en sny in skyfies by die sop te voeg of bedien apart indien verkies. Bedien stomend warm met warm roosterbrood en botter, volgraan-en-rogmeelbrood of broodrolletjies, tuisgemaak of gekoop.

Bedien 10 tot 12 persone.

Berging
Indien die sop slegs met water gemaak is kan dit tot 'n week lank in die yskas bewaar word. As melk bygevoeg is, verkoel die sop vinnig en hou nie langer as 3 dae in die yskas nie want die sop mag suur word.

Bevriesing
Die sop vries baie goed, tot 'n maand lank. Laat oornag in die yskas ontdooi of ontdooi in die mikrogolfoond. Verhit stadig bo-op die stoof terwyl af en toe geroer word of in die mikrogolfoond op medium tot stomend warm.

Variasie
Vegetariese split-ertjiesop

Om 'n heerlike vegetariese ertjiesop te maak, laat die vleisbene en wors weg en vervang die biefekstrakpoeier deur groente-ekstrakpoeier om the verseker dat die sop geurryk en bevredigend sal wees.


Jy sal hierdie resep kry in Art of Cooking.

Die boek kan bestel word by caroliedekoster@gmail.com.

resep: Carolie de Koster & Art of Cooking

Minestra

'n Minestra is 'n groente-gebaseerde Sisiliaanse sop.

3 eetlepels botter
½ ui, fyngekap
1 knoffelhuisie, fyngekap
½ teelepel sout
3 takkies tiemie
2 koppies gekombineerde gekapte groente (gaar of rou of 'n kombinasie. Of 'n paar skille en 'n paar stingels – enigiets werk, solank dit netjies gekap is)
4 koppies groenteaftreksel
1 koppie gaar stysels (bone, rys, klein pasta of aartappels)

Verhit 'n soppot. Voeg die botter, ui, knoffel en sout by en kook tot sag, ten minste 5 minute.
Voeg dan die kruie, groente en vloeistof by. Prut 20 minute.
Voeg die stysel by en prut vir 5 minute.
Proe vir sout en pas aan.

Vinnige tamatiesop / Quick Tomato Soup

Hierdie tamatiesop resep is genoeg vir 4 persone.

BESTANDDELE
3 eetlepels ongesoute botter
1 groot ui, fyngekap (ongeveer 1½ koppie)
Knippie rissie vlokkies
½ teelepel gedroogde origanum
½ teelepel gedroogde pietersielie
1 eetlepel koekmeel
Twee blikkies heel tamaties met hul sap
½ koppie room
Sout en varsgemaalde swartpeper
1 eetlepel whiskey
2 eetlepels olyfolie
Vars kruie vir garnering

STAPPE
Smelt die botter in 'n kastrol oor medium-hoë hitte.

Voeg die uie by en kook, roer gereeld, totdat dit sag is maar nie bruin is nie, tot 8 minute.

Voeg die rissie vlokkies, origanum en pietersielie by en kook, roer, tot geurig, ongeveer 30 sekondes.
Voeg die meel by en kook, roer, vir 30 sekondes.
Voeg die tamaties met hul sap by en roer terwyl jy die meel van die bodem van die pan af skraap.
Voeg die room by en kook, roer af en toe en breek die tamaties met die lepel op, totdat die hele ding kook.
Verlaag die hitte tot 'n prut en los vir 3 minute.

Verwyder die sop van die hitte en maak fyn met 'n staafmenger.

Geur die sop na smaak met sout en peper.
Roer die whiskey by en verhit tot dit weer begin prut.

Sit dadelik voor en sprinkel olyfolie oor elke porsie.
Garneer met kruie.

’n Eenvoudige aspersiesop / Asparagus soup

BESTANDDELE
1 bossie aspersies
2 koppies sterk hoenderaftreksel – voorberei deur swak hoenderaftreksel vir 30 min te kook
Sout
1 eetlepel botter.

STAPPE
Sny slegs die mees onmoontlik harde wit onderkante van die aspersies af. Meng die oorblywende aspersies in 'n pot met die hoenderaftreksel en bring tot kookpunt.

Verlaag die hitte en prut totdat die aspersies heeltemal sag is. Dit neem ongeveer 20 minute.

Verwyder van die hitte, proe vir sout.
Voeg die botter by, maak heeltemal glad in ’n voedselverwerker.

Beste Mosselsop / Mussel Chowder

Hierdie is ’n maklike resep wat jou laat terugkom vir nog. Die meeste van die bestanddele kan in jou spens gevind word.

BESTANDDELE
250 g knopiesampioene, in skywe gesny
150 g botter en nog 3 eetlepels botter
1 ui, gekap
1 lourierblaar
2 rissies, fyngekap
’n paar takkies tiemie
2 knoffelhuisies, gerasper
420 g blikkie roomstyl-mielies
3 koppies melk
800 g vars of bevrore mossels
10 mℓ fyngekapte salie
10 mℓ fyngekapte dragon
290 g blikkie room
Sout
Fyngekapte pietersielie vir garnering

STAPPE
Soteer die sampioene in die 150 g botter tot gaar in ’n swaarboom kastrol.

Verwyder uit die kastrol en hou eenkant.
Gebruik dieselfde kastrol en soteer die ui in die oorblywende botter tot deurskynend.

Voeg die knoffel, tiemie, lourierblaar en rissies by en soteer vir 1 minuut.

Voeg die mielies by en kook tot dit begin prut, voeg dan die melk en mossels by.
Bring tot kookpunt, verwyder dan van die hitte en laat afkoel vir 3-5 minute.

Verwyder die mossels, tiemie en lourierblaar uit die kastrol, voeg die gaar sampioene by en maak dit fyn.

Gooi nou die mossels terug en voeg die room, salie en dragon by.
Geur na smaak met sout.
Kook vir 3 minute, of tot dit dik en romerig is.

Garneer die sop met pietersielie en bedien saam met dik snye brood.

Franse Uiesop / Soupe à l’oignon

Die geheim van ’n goeie uiesop is dat die uie lank en stadig kook in die botter en olie en dan lank prut in die aftreksel. Jy moet jou regmaak vir ’n resep van 2½ uur. Hierdie resep is genoeg vir 8 persone.

BESTANDDELE
750 g uie, in dun skywe gesny
3 eetlepels botter
1 eetlepel olie
1 teelepel sout
¼ teelepel suiker
3 eetlepels meel
1,8 liter kokende bouillon
½ koppie witwyn
3 eetlepels brandewyn
Franse brood, in die oond gerooster
Parmesaan

STAPPE
Kook die uie stadig in die botter en olie in ’n swaarboom kastrol vir 15 minute met die deksel op.

Verwyder die deksel en roer die sout en suiker by. Kook vir 40 minute, terwyl jy af en toe roer. Die uie moet ’n eweredige bruin kleur hê.

Strooi 3 eetlepels meel oor en roer vir 3 minute.

Verwyder van die hitte en roer die bouillon by. Maak dit dan fyn met ’n voedselverwerker.
Voeg die wyn by en nog sout en peper na smaak. Prut vir ’n verdere 40 minute.
Pas die sout en peper weer aan.

Net voor jy dit bedien roer jy drie eetlepels brandewyn by.
Sny die brood in ringe en plaas ’n sny in elke sopbakkie.
Skep die sop oor die brood en rasper ’n bietjie parmesaan oor.

Wild sop

BESTANDDELE
500 g wildsvleis - die afvalstukkies as die bok opgesny word werk net so goed – in klein stukkies gesny
250 g beesvleis, in dun skywe gesny
60 g varkvleis, in blokkies geknip
30 mℓ botter
1 wortel, fyngekap
1 witwortel, fyngekap
1 ui, fyngekap
1 stok seldery, fyngekap
1,7 liter vleisekstrak
1 bouquet garni
sout
varsgemaalde swartpeper
4 jenewerbessies
60 mℓ droë sjerrie
250 g borsvleis van die bok, gekook en in repies gesny

STAPPE
Smelt die botter in 'n soppot en gooi die stukkies wild, die varkvleis en die groente by. Braai tot bruin.

Voeg die vleisekstrak en beesvleis by.
Plaas ook die bouquet garni in die pot en voeg die sout, peper en jenewerbessies by. Prut alles saam oor lae hitte vir 2 uur.
Indien die vloeistof te veel wegkook kan jy water byvoeg.

Skep enige vet af en gooi die sop deur 'n fyn sif.
Gooi die vloeistof in 'n skoon pot saam met die sjerrie en die borsvleis. Kook stadig tot alles goed verhit is en bedien dadelik.

Die resep is genoeg vir 8 persone.

Bronkors sop / Potage crème de cresson

Hierdie bronkors sop resep is genoeg vir 6 persone.

BESTANDDELE
1/3 koppie fyngekapte stingeluie 3 eetlepels botter
4 koppies bronkors (blare en stingels), gewas en gedroog
½ teelepel sout
5 eetlepels meel
5½ koppies hoenderaftreksel
2 eiergele
½ koppie room

STAPPE
Kook die uie oor lae hitte in 3 eetlepels botter - tot 10 minute. Dit moet net nie verbruin nie.
Roer die bronkors en sout by en kook vir ’n verdere 5 minute.
Strooi die meel by en roer vir 3 minute.
Verwyder van die hitte en klop die aftreksel by.
Plaas terug op die plaat en prut vir 5 minute.
Verwyder van die hitte en puree. Plaas terug op die plaat.
Proe vir sout.

Klop die eier en room saam met ’n draadklitser.
Klop dan die sop by in ’n dun straaltjie.

Gooi terug in die pot en plaas op medium hitte vir 2 minute. Dit moet nie prut nie.
Verwyder van die plaat en roer 2 eetlepels botter by.

Toskaanse Witboontjiesop

Hierdie Toskaanse witboontjiesop word in een pot gemaak en is gereed binne 30 minute.

BESTANDDELE
3 blikkies cannellini-bone, gedreineer en afgespoel
1 ui, fyngekap
4 knoffelhuisies, fyngekap

2 eetlepels olyfolie
2 groot wortels, geskil en gekap
1 stingel seldery, in blokkies gesny
1/3 koppie witwyn
2 koppies boerekool, stingels verwyder, fyngekap
2½ tot 4 koppies groente-aftreksel
1 eetlepel tamatiepasta
1 teelepel sout (of na smaak)
¼ teelepel swartpeper (of na smaak)
¼ teelepel rissievlokkies (laat weg as jy nie van speserye hou nie)
¼ teelepel gedroogde pietersielie
2 lourierblare
1 teelepel gedroogde tiemie
½ teelepel gedroogde origanum

STAPPE
Soteer die ui in 'n groot swaarboom pot saam met die olie.
br> Sodra dit effens begin bruin word, voeg die knoffel, seldery en wortel by. Soteer vir nog 10 minute of tot dit sag en effens bruin is. Die bruin kleur help om baie geur by te voeg!
br> Voeg die witwyn by en soteer totdat die meeste van die vloeistof verdamp het, ongeveer 5 tot 7 minute. Voeg al die oorblywende bestanddele by, behalwe die boerekool en roer goed. Bring tot kookpunt, bedek dan en verminder die hitte tot laag. Laat dit vir 15 minute prut.
br> Gooi die lourierblare weg en dra dan ongeveer 2½ - 3 koppies van die sop oor na 'n menger. Meng tot glad. Plaas terug in die pot en roer goed om te kombineer. As dit te dik is, voeg meer sous by totdat dit die verlangde dikte bereik. Voeg die gekapte boerekool by en laat dit vir 'n paar minute prut sodat die boerekool kan verwelk. Proe en pas geure aan soos verlang.
br> Bedien warm soos dit is of met 'n stewige brood aan die kant.

Mirepoix

Mirepoix is ’n Franse woord vir ’n mengsel van fyngekapte groente, tradisioneel ui, wortel en seldery, wat as basis in sop, bredies en souse gebruik word. Die mengsel word gewoonlik in botter of olie gekook op lae hitte sonder daarom te kleur of verbruin.

Mirepoix au gras word gemeng met vleis, gewoonlik ham of spek.

Mirepoix kan ook as garnering gebruik word.

As jy nie seldery wil gebruik nie kan jy vinkel as ’n plaasvervanger oorweeg.

Die verhouding is 1 koppie ui vir ½ koppie elk van die ander.

Sout dit dadelik as jy die groente in die pan gooi.

Minestrone met pesto / Minestrone col Pesto

1 blikkie borlotti bone
2 aartappels, geskil en in blokkies gesny
2 tamaties, geskil en die sade verwyder
2 wortels, geskil en in klein blokkies gesny
2 klein murgpampoentjies, in klein skywe gesny
1 ui, in dun skywe gesny
1 prei, in klein ringe gesny
3 stele seldery, in klein stukkies gesny
’n klein bossie komkommerkruid se blare opgekap
150 g rys pasta
4 eetlepels olyfolie
2 eetlepels gerasperde parmesaan
1 eetlepel gerasperde pecorino
1 eetlepel pesto

Bring 2 liter water tot kookpunt in ’n soppot.

Gooi die groente in die water saam met 3 eetlepels olyfolie en geur met sout.
Bedek en kook tot die sop aansienlik afgekook en verdik het – maak net seker jy kook die groente nie te lank nie.
Voeg die komkommerkruid halfpad by.
Wanneer die groente amper reg is voeg jy die pasta by.
Roer die pesto by net voor jy die sop van die hitte verwyder.

Net voor jy die minestrone bedien roer jy die orige 3 eetlepels olyfolie en die kaas by.

Cock-a-Leekie

Cock-a-Leekie is ’n tradisionele Skotse sop.

Jy het ’n heel skoongemaakte hoender nodig vir die resep. Een wat ten minste meer as 1 kg weeg.
12 preie, in 2 cm-skywe gesny
120 g rys
4 uie, geskil en gerasper
Sout
Varsgemaalde swartpeper
Fyngekapte pietersielie

Plaas die hoender en die helfte van die preie in ’n soppot en bedek met koue water.
Bedek die pot met ’n deksel en prut oor lae hitte vir sowat 1 uur. Die hoender moet van die been begin afval.

Verwyder die hoender uit die pot en hou eenkant op ’n bord om af te koel.

Gooi die vloeistof deur ’n sif en dan terug in die pot.
Gooi die rys by, bedek en kook vir 10 minute.

Gooi die wortels en res van die preie by en kook vir ten minste 20 minute. Die keer sonder ’n deksel.

Geur met sout en peper.

Pluis van die hoendervleis en plaas dit in die sopbakkies voor jy die sop inskep en garneer met pietersielie.

Bedien die sop warm.

Caldo Verde

60 mℓ olyfolie
280 g knoffelwors, in skywe gesny
1 groot ui, gekap
Sout
3 knoffelhuisies, in papierdun skywe gesny
6 aartappels, geskil en in stukke gekap
800 mℓ koue water
800 mℓ hoenderaftreksel
450 g donkergroen kool, in baie dun repe gesny
Varsgemaalde swartpeper
Witpeper

Verhit die olyfolie in ’n groot soppot.
Braai die wors tot dit verbruin aan alle kante. Gebruik ’n gaatjieslepel om die wors uit te skep. Hou eenkant.

Gooi die uie in die pot, strooi sout oor en kook, terwyl jy dit af en toe roer. Kook tot die uie sag is.
Voeg die knoffel by en kook nog 2 minute.

Roer die aartappels by en gooi die water en aftreksel by. Bring tot kookpunt.
Stel die hitte laer en laat dit prut. Prut tot die aartappels sag is.
Laat die sop effens afkoel.

Purée die sop.
Voeg die kool by die sop. Bring dit weer tot kookpunt.
Stel die hitte laer en laat dit prut. Prut tot die kool sag is.
Geur met sout en peper.

Garneer die caldo verde met die knoffelwors.

Parmesaan sop / Parmesan Kase Suppe / Parmesan Soup

Rasper 60 g parmesaan.

Rooster twee dun snye bruinbrood.
Doop die brood in room en bedek dit met die parmesaan.
Gooi court bouillon oor en geniet.

Rawon

Rawon is ’n tradisionele Indonesiese swart sop gemaak van beesvleis en keloewek neute. Die neute gee dit die swart kleur.

Jy het nodig:

250 g beesvleis, in klein stukkies gesny
’n liter water
1½ teelepel gerasperde gemmer
3 stingels suurlemoengras
2 lourierblare
2 uie, fyngekap
3 salotte, fyngekap
3 makadamia neute, fyngekap
2 keluak / keloewek neute, fyngekap
1 teelepel fyngemaalde koljander
3 eetlepels olie
’n hand vol groenboontjies
’n hand vol versnipperde kool
Sout

Plaas die vleis, gemmer, suurlemoengras, uie en lourierblare saam met sout in die water en bring tot kookpunt.

Braai die salotte en neute saam in olie tot dit lyk of die salotte wil verbruin.
Gooi by die sop saam met die koljander en groente.
Verlaag die hitte en prut tot al die groente sag is.

Franse uiesop / French Onion Soup - die blikkie weergawe

Soms moet jy vinnig ’n sop aanmekaarslaan. Dis dan wanneer jy daardie wonderbaarlike uitvindsel, die blikkie sop, sal waardeer. Niemand sal ooit van beter weet nie.

So maak jy byvoorbeeld die wonderbaarlikste “Franse” uiesop wat enige moeilike smulpaap sal verlei:

Maak seker niemand sien jou nie. Sny oop die blikkie uiesop en verdun dit met witwyn. Verhit tot warm. Intussen rooster jy skywe Franse brood in die oond en rasper parmesaan.

Bedien ’n sny brood in elke sopbakkie, met parmesaan bo-oor gestrooi.

Voilà!

Geroosterde tamatie en knoffel sop

8 tamaties, in kwarte gesny
5 knoffelhuisies, afgeskil
2 takkies roosmaryn
Olyfolie
1 blikkie bone (baked beans)
375 mℓ groenteaftreksel
Knippie sout en varsgemaalde swartpeper
Hand vol pietersielie, fyngekap

Verhit die oond tot 200°C.

Gooi die tamaties, knoffel en roosmaryn in ’n oondpan en drup olyfolie oor.
Rooster in oond vir 45 minute.

Verwyder die roosmaryn en gooi die tamaties en knoffel in ’n soppot.
Gooi die bone en aftreksel by.
Prut vir 15 minute.

Maak die mengsel fyn met ’n voedselverwerker en geur met sout en peper. Maak seker alles is warm.

Strooi pietersielie oor en bedien met vars brood.