Soja en gemmer baba sampioen peuselhappie / Sticky Soy-Ginger Glazed Mushrooms

Maak 'n glanssous van baba sampioene en sojasous, heuning en vars gerasperde knoffel en gemmer.
Rooster hulle totdat die sous karamelliseer.
Bedien warm met tandestokkies vir 'n maklike vingerhappie.

Hoe om pampoen te kook

Sny die pampoen in die helfte en verwyder enige pitte en los materiaal met ’n lepel.
Skil dan die pampoen en sny dit in stukke.
Plaas dit in ’’n kastrol en bedek met water.
Bring tot kookpunt en laat kook tot die pampoen sag is.
Bedien met botter of ’n sous.

Laat dit afkoel indien jy dit wil fynkap of puree.

Groenboontjies met aillade

1 koppie gaar groenbone
1 eetlepel aillade
olyfolie om oor te drup.

Bring die bone tot kamertemperatuur.
Meng 'n lepelvol van die aillade by en bedruip met olyfolie.
Nog 'n opsie is om bietjie suurlemoenskil by te voeg.

Verroomde groente / Creamed greens

2 koppies gaar groente
5 eetlepels botter
Sout
1½ koppie vars gerasperde parmesaan

In 'n voedselverwerker, pols die groente tot amper glad. Dit tekstuur hang af van waarvoor jy dit wil gebruik. Moet dit nie te glad maak as jy dit as ’n bykos wil gebruik nie.

In 'n pan, smelt die botter en voeg die groente en sout na smaak by. Braai tot romerig, ongeveer 4 minute.

Verwyder van die hitte en voeg die parmesaan by. Roer deur en bedien.

Aartappels met wortels en room / Gratin de Pommes de Terre Crécy

Hierdie mengsel van aartappels, wortels en room is heerlik saam met kalfsvleis of hoender. Dit is dieselfde resep as vir Gratin jurassien, maar die aartappels word afgewissel met gesnyde, gestoofde wortels wat soos volg voorberei word:

2 koppies wortels, ½ cm dik gesny
½ eetlepel botter
¼ teelepel sout
2 eetlepels fyn gekapte salotte
¾ koppie water

Kook die wortels stadig met die botter, sout, salotte en water in 'n bedekte swaarboom, geëmaljeerde kastrol vir 30 minute of totdat die vloeistof verdamp het en die wortels sag is.
Gaan dan voort soos vir Gratin jurassien, maar wissel die skyfies wortel af met die aartappel.

'n Koolslaai uit die boeke

1 salot, in dun skywe gesny
2 eetlepels suurlemoensap (of wynasyn of rysasyn)
1 teelepel sout
½ teelepel suiker
½ koppie mayonnaise
1 wortel, julienne of net baie dun gesny
½ groot kopkool, in dun repies gesny
’n bossie koljander, gekap

Meng die salot, suurlemoensap en sout. Laat staan vir 20 minute.

Voeg die suiker, mayonnaise, wortel en kool by en meng goed.
Laat staan vir 10 minunte, proe dan vir sout en pas aan.

Gekookte beetblare / Cooked Beet Greens

Beetblare is ’n bykos nonpareil.

Bring 'n pot water tot kookpunt. Sout dit tot dit amper soos seewater proe.
Was die blare deeglik 'n paar keer in koue water.
Kook dit heel tot net sag.
Verwyder uit die water en laat afkoel.

Bedien dit net so of met aïoli, of meng 'n knoffelhuisie, fyngestamp tot 'n pasta met 'n bietjie sout, saam met gekoopte mayonnaise.

Aartappels met room en kaas / Gratin Jurassien

Aartappels wat in dik room gebak word, is heerlik saam met gebraaide lam, hoender, kalfsvleis, beesvleis of varkvleis. 'n Belangrike punt in hierdie resep is dat jy nooit die room heeltemal moet laat prut tydens die bakproses nie; dan sal dit nie skif nie.

4 eetlepels botter
1 kg kook-aartappels, in 3 mm skywe gesny
1 teelepel sout
⅛ teelepel peper
1 koppie gerasperde Cheddar
1¼ koppies room

Verhit die oond tot 150 grade Celsius.

Smeer 1 eetlepel botter in ’n oondskottel.
Rangskik lae aartappels daarin en geur elke laag met sout, peper, kaas en klontjies botter. Eindig met kaas en botterklontjies.
Gooi die room oor en bring dit stadig tot dit prut bo-op die stoof.
Plaas dan in die middelste vlak van die voorverhitte oond en bak vir 1 tot 1¼ uur, en reguleer die oond se hitte tydens die bakproses sodat die room nooit heeltemal borrel nie.
Die gratin is gaar wanneer die aartappels sag is en die room geabsorbeer het, en die bokant ligbruin is.

Aartappels met melk, kaas en knoffel / Gratin dauphinois

Hierdie gratin dauphinois is genoeg vir 6 persone.

1 kg kook-aartappels
½ knoffelhuisie, ongeskil
4 eetlepels botter
1 teelepel sout
⅛ teelepel peper
1 koppie (ongeveer 115 g) gerasperde Switserse kaas
1 koppie kokende melk

Skil die aartappels en sny dit 3 mm dik. Plaas dit in ’n bak koue water.

Vryf ’n oondskottel met die gesnyde knoffel.
Smeer die binnekant van die skottel met 1 eetlepel van die botter.

Dreineer die aartappels en droog dit met ’n handdoek af. Pak die helfte onder in die skottel.
Strooi die helfte van die sout, peper, kaas en botter daaroor.
Rangskik die oorblywende aartappels bo-op en geur dit.
Strooi die res van die kaas oor en verdeel die oorblywende botter bo-op. Giet die kokende melk daaroor.
Plaas die skottel oor hitte en sodra dit begin prut, plaas dit in die boonste derde van ’n 220 °C voorverhitte oond.
Bak 20 tot 30 minute of totdat die aartappels sag is, die melk geabsorbeer is en die bokant goudbruin is.

Dit is veral geskik as bykos by Dit pas by gebraaide of geroosterde hoender, kalkoen en kalfsvleis.

Groenmielies in die mikrogolfoond

Alette de Nysschen het die resep ingestuur vir wanneer ons groenmielies in ’n mikrogolfoond wil gaarmaak. Sy skryf:

Trek die meeste blare af, maar los ten minste 1 laag of meer blare op.

Sit die mielies in die mikrogolfoond op hoog vir so ±4 minute per mielie.

Maak skoon en eet.

Heerlik en gesond.

resep: Alette de Nysschen

Fynaartappels met knoffel / Purée de pommes de terre à l'ail

Twee hele koppe knoffel mag dalk soos 'n oorweldigende hoeveelheid lyk as jy nog nie hierdie resep gemaak het nie. As minder egter gebruik word, sal jy dit berou, aangesien die lang kook van die knoffel die skerp smaak verwyder en slegs 'n aangename geur oorlaat. Hierdie aartappels pas by gebraaide lam, vark of worsies. Alhoewel beide knoffel en aartappels vooraf gaargemaak kan word, moet hulle eers op die laaste oomblik gekombineer word.

Hierdie resep is genoeg vir 6 tot 8 persone.

2 koppe knoffel, ongeveer 30 huisies
8 eetlepels botter
2 eetlepels meel
1 koppie kokende melk
¼ teelepel sout
’n Knippie swartpeper
1,25 kg aartappels, geskil en in kwarte gesny
Sout
Witpeper
4 eetlepels room

Skei die knoffelhuisies. Gooi in kookwater en kook vir 2 minute.
Dreineer en skil dit af.

Kook die knoffel stadig saam met 4 eetlepels botter in ’n bedekte kastrol vir ongeveer 20 minute of tot baie sag maar nie bruin nie.

Meng die meel by en roer oor lae hitte totdat dit skuim, omtrent 2 minute, sonder om te verbruin. Verwyder van die hitte, klits die kokende melk, ¼ teelepel sout en ’n knippie swartpeper by. Kook, terwyl jy roer, vir 1 minuut.
Vryf die sous deur ’n sif of maak dit fyn in ’n elektriese menger.
Prut vir nog 2 minute.

Kook die aartappels in kookwater met sout.

Dreineer die aartappels en maak fyn.
Gooi dan onmiddellik in ’n kastrol en klop dit met ’n lepel vir 'n paar minute oor matige hitte om vog te verdamp. Sodra dit 'n lagie in die bodem van die pan begin vorm, verwyder van die hitte en klits 4 eetlepels botter, eetlepel vir eetlepel, by. Klits sout en witpeper na smaak by.

Kort voor opdiening, klits die warm knoffelsous by die warm aartappels.
Klits die room lepel vir lepel by, maar moet dit nie te veel verdun nie.
Geur na smaak.

Geblikte sampioene

Geblikte sampioene sal meer geur in souse of garnerings hê as jy die volgende stappe volg. As hulle verbruin moet word, dreineer hulle en droog hulle in 'n handdoek vooraf.

BESTANDDELE
Vir 1 koppie gedreineerde, geblikte sampioene:
1 eetlepel gekapte sjalotjies of groen uie
2 eetlepels botter
Sout en peper

STAPPE
Prut die salotte in ’n klein kastrol vir 2 minute in die botter sonder om dit te verbruin.
Voeg die sampioene en geurmiddels by, bedek en kook oor lae hitte vir 2 minute.
LET WEL: Die sap uit die blikkie kan in 'n kastrol afgekook word totdat dit tot 'n derde van die volume of minder is. Gebruik dit as ’n sous.

Gevulde sampioene - op die Franse manier / Champignons Farcis

Gevulde sampioene maak 'n goeie warm hors d'oeuvre of 'n garnering vir 'n vleisbord.

BESTANDDELE
12 vars sampioene, stingels verwyder en fyngekap, of 4 – 6 groot sampioene
7 eetlepels gesmelte botter
Sout en peper
3 eetlepels fyngekapte uie
1 eetlepel olie
3 eetlepels fyngekapte salotte
3 eetlepels fyn, wit, droë broodkrummels
¼ koppie gerasperde Switserse kaas
¼ koppie gerasperde parmesaan
4 eetlepels gekapte kruie
½ teelepel dragon
2 tot 3 eetlepels slagroom
3 eetlepels gerasperde Switserse kaas

STAPPE
Verhit die oond tot 190 grade Celsius.

Verf die sampioene met 3 eetlepels gesmelte botter. Plaas dit, met die hol kant na bo, in ’n braaipan. Strooi liggies sout en peper oor.
Braai die uie in 2 eetlepels botter en olie vir 4 minute sonder om dit te verbruin.
Voeg die salotte en sampioenstingels by. Braai oor matig hoë hitte in ’n pan - roer gereeld. Na 6 tot 8 minute behoort die sampioen liggies te verbruin.
Verwyder van die hitte en meng die broodkrummels, kase, kruie, dragon en speserye by. Meng 'n lepelvol room op 'n slag by om die mengsel te bevogtig, maar hou dit styf genoeg om sy vorm in 'n lepel te behou.
Proe vir sout en peper.
Vul die sampioene met die vulsel. Bedek elkeen met 'n bietjie kaas en druppels gesmelte botter.
Bak in die boonste derde van 'n voorverhitte oond vir 15 tot 20 minute, of totdat die sampioene sag is en die vulsel bo-op liggies bruin is.

Pampoenkoekies met 'n karamelsous / Pumpkin Fritters with a Caramel Sauce

BESTANDDELE
250 ml koekmeel, ongesif
25 ml suiker
10 ml bakpoeier
250 ml gaar pampoen, koud
1 eier, geklits
50 ml melk
olie vir diep braai

Karamelsous
250 ml suiker
60 ml botter
250 ml water
250 ml melk
25 ml vlapoeier

STAPPE
Sif die meel, suiker en bakpoeier saam.
Voeg die pampoenmoes, eier en melk by en meng goed.
Skep lepelsvol in matige warm olie en braai tot goudbruin en gaar.
Dreineer op kombuispapier.
Braai die suiker en botter in 'n dikboom kastrol tot goudbruin. Roer dan die water versigtig by en dan die melk. Roer aanhoudend totdat karamel gesmelt het. Maak die vlapoeier aan met bietjie koue water, roer by die sous. Verhit totdat sous verdik.
Gooi sous bo-oor pampoen koekies.

Lekker eet!

resep: Chantelle Geldenhuys

Vinnige tamatiesop / Quick Tomato Soup

Hierdie tamatiesop resep is genoeg vir 4 persone.

BESTANDDELE
3 eetlepels ongesoute botter
1 groot ui, fyngekap (ongeveer 1½ koppie)
Knippie rissie vlokkies
½ teelepel gedroogde origanum
½ teelepel gedroogde pietersielie
1 eetlepel koekmeel
Twee blikkies heel tamaties met hul sap
½ koppie room
Sout en varsgemaalde swartpeper
1 eetlepel whiskey
2 eetlepels olyfolie
Vars kruie vir garnering

STAPPE
Smelt die botter in 'n kastrol oor medium-hoë hitte.

Voeg die uie by en kook, roer gereeld, totdat dit sag is maar nie bruin is nie, tot 8 minute.

Voeg die rissie vlokkies, origanum en pietersielie by en kook, roer, tot geurig, ongeveer 30 sekondes.
Voeg die meel by en kook, roer, vir 30 sekondes.
Voeg die tamaties met hul sap by en roer terwyl jy die meel van die bodem van die pan af skraap.
Voeg die room by en kook, roer af en toe en breek die tamaties met die lepel op, totdat die hele ding kook.
Verlaag die hitte tot 'n prut en los vir 3 minute.

Verwyder die sop van die hitte en maak fyn met 'n staafmenger.

Geur die sop na smaak met sout en peper.
Roer die whiskey by en verhit tot dit weer begin prut.

Sit dadelik voor en sprinkel olyfolie oor elke porsie.
Garneer met kruie.

Fyngemaakte sampioene gebraai in botter / Duxelles

Duxelles is 'n droë sampioenmengsel wat gebruik word vir vulsels en souse.

Die resep is genoeg vir ongeveer 1 koppie.

BESTANDDELE
250 g fyngemaalde vars sampioene – ongeveer 2 koppies
2 eetlepels fyngemaalde salotte
2 eetlepels botter
1 eetlepel olie
Sout en peper na smaak

STAPPE
Druk die sap sovêr moontlik uit die sampioene met ’n kombuishanddoek.

Soteer die sampioene en salotte in die botter en olie oor matig hoë hitte in ’n pan - roer gereeld. Na 6 tot 8 minute behoort die sampioen van mekaar te begin skei en liggies te verbruin.

Geur met sout en peper.

Verroomde sampioene / Champignons sautés à la crème

Verroomde sampioene kan canapés, klein vol-au-vents en tertdoppe versier, of kan omelette, geposjeerde eiers of hoender vergesel.

BESTANDDELE
250 g vars sampioene, heel indien klein, gesny, in kwarte gesny, of fyngekap indien groot
2 eetlepels botter
1 eetlepel olie
2 eetlepels fyngekapte salotte
1 teelepel meel
1 koppie room
⅛ teelepel sout
Knippie peper
2 eetlepels sagte botter

Soteer die sampioene in 2 eetlepels warm botter en 1 eetlepel olie vir 5 minute, maar moenie toelaat dat hulle langer as nodig verbruin nie.

Voeg die salotte by en meng oor matige hitte vir 2 minute.

Roer die meel by en kook stadig vir nog 2 minute terwyl jy bly roer.

Van die hitte af, meng die room en geurmiddels by. Kook dan vinnig totdat die room verminder en verdik het.

Proe vir geurmiddels.

Vou die laaste 2 eetlepels botter by van die hitte af, net voor opdiening

Gebraaide sampioene met salotte, knoffel en kruie / Champignons sautés à la bordelaise

BESTANDDELE
250 g vars sampioene, heel indien klein, in kwarte gesny indien groot
1 eetlepel olie
2 eetlepels botter
3 eetlepels fyngekapte salotte
1 fyngekapte knoffelhuisie
3 eetlepels fyn, wit, droë broodkrummels
Sout en peper na smaak
3 eetlepels fyngekapte vars pietersielie, kerwel, grasuie en dragon

STAPPE
Braai die sampioene in olie en botter tot ligbruin.

Roer die salotte, knoffel en broodkrummels by en meng oor matige hitte vir 3 minute.

Net voor opdiening, geur na smaak en meng met die kruie.

Tamaties gevul met broodkrummels, kruie en knoffel / Tomates à la provençale

Een van die smaaklikste maniere om tamaties te bedien, is à la provençale. Hulle pas ook omtrent by alles: biefstuk, tjops, gebraaide beesvleis, lam, gebraaide of geroosterde hoender en geroosterde makriel, tuna, sardientjies, haring of swaardvis. Hulle kan ook 'n warm hors d'oeuvre wees, of eiergeregte vergesel. Die volgende resep is genoeg vir 6 persone.

BESTANDDELE
6 ferm, ryp, rooi tamaties
Sout en peper
2 knoffelhuisies, fyngedruk
3 eetlepels gekapte salotte
4 eetlepels gekapte vars basiliekruid en pietersielie
⅛ teelepel tiemie
Groot knippie peper
¼ koppie olyfolie
½ koppie krummels van vars witbrood

STAPPE
Voorverhit die oonde oond tot 400ᵒC.

Verwyder die stingels en halveer die tamaties in die helfte.
Druk die sap en pitte liggies uit.
Strooi sout en peper oor.

Meng die res van die bestanddele en ¼ teelepel sout
en ‘n groot knyp peper in ’n mengbak.

Vul elke tamatiehelfte met ’n lepel of twee van die mengsel.
Drup ’n paar druppels olyfolie oor.
Rangskik die tamaties in ‘n vlak, geoliede braaipan net groot genoeg om die tamaties maklik in een laag te hou.
Net voor jy dit gaan bedien, plaas jy dit in die boonste derde van die voorverhitte oond en bak vir 15 minute, of totdat die tamaties sag is en die broodkrummelvulsel liggies verbruin het – die tamaties moet hul vorm behou.

Rape gesmoor in botter / Navets à l'étuvée

Gesmoorde rape kan op hul eie bedien word of saam met ander groente. Hulle kan ook saam met 'n gebraaide gereg, 'n gesmoorde gereg of 'n frikassee gaargemaak word.

BESTANDDELE
1 kg rape, geskil en in kwarte gesny
2 eetlepels botter
1½ koppie aftreksel
Sout en peper na smaak

STAPPE
Blansjeer die rape vir 3 tot 5 minute in kokende soutwater.

Dreineer en plaas dit in ‘n kastrol met die botter en genoeg vloeistof om dit te bedek.
Geur liggies.
Bedek en kook stadig vir 30 minute of totdat hulle sag is, maar hul vorm behou.

Indien die vloeistof nie verdamp het nie, verwyder die deksel en kook dit af. Proe vir soout en peper.