Indonesiese kerrie

2 lepels olie
5 koolbare, in repe gesny
5 aartappels, in blokkies gesny
10 groenboontjies, in stukkies gesny
5 wortels, in ringe gesny
1 rooi ui, fyngekap
1 wit ui, fyngekap
1 rooi rissie, fyngekap
6 skywe gemmer
2 teelepels kerrie
1 stuk suurlemoengras
2 teelepels gemaalde koljander
¼ teelepel gemaalde komyn
’n bietjie tamarinde
2 ansjovisfilette, fyngedruk
1 lemmetjieblaar
Sout
Suiker
500 mℓ aftreksel
1 liter klappermelk
Neute

Verhit die olie en roer al die kruie, speserye, ansjovis en lemmetjieblaar daarin tot dit goed gemeng is.
Roer nou die groente deur die olie-mengsel.
Gooi die aftreksel en klappermelk by.
Plaas die deksel op en laat die mengsel prut tot alles gaar is. Reg teen die einde gooi jy ’n hand vol van jou gunsteling neute by.

50 Boerekosgeregte

Kyk, as Dana Snyman die voorwoord skryf, dan weet jy ...

Lekker kos is deel van Suid-Afrika se koserfenis en tradisionele boerekos beteken vir meeste mense huiskos, soos net jou ma of ouma kon voorberei.

50 Boerekosgeregte is ‘n samestelling van goed-beproefde resepte uit die kombuise van die Vroue Landbouvereninging van die Noord-Kaap.

Krap maar in hierdie pot.

Hier is resepte vir weeksdagetes, spesiale geleenthede en familiesaamtrekke, met immergroen treffers soos ‘n korslose souttert, basaarpoeding, gestolde komkommerslaai, kerrievleisvetkoeke, snoektert, karringmelkroosterkoek en groenboontjiebredie.

50 Boerekosgeregte / Vroue Landbouvereniging van die Noord-Kaap -- LAPA, Augustus 2017; 64 p. ; sagteband. -- ISBN 9780799382839

50 Boerekosgeregte,
Bettie Blom,
19 Oktober 2017.

2.5

Wine on the River 2017

Wine on the River

20 - 22 Oktober 2017
Robertson
Wine on the River inligting >>

Dorado met chermoula

Dorado is ’n goudkleurige seevis. Chermoula is ’n Marokkaanse marinade wat ook as ’n sous bedien kan word.

Chermoula
3 knoffelhuisies, fyngedruk
1 teelepel fyngemaalde komyn
½ teelepel paprika
’n knypie rissiepoeier
2 eetlepels vars, gekapte koljander
2 eetlepels vars, gekapte pietersielie
¼ koppie olyfolie
¼ koppie suurlemoensap
2 teelepels gerasperde suurlemoenskil

Meng al die bestanddele vir die chermoula in ’n glasbak.
Skep die helfte van die sous uit en hou dit eenkant.
Bedek 8 x 200 g dorado-filette een vir een met die sous voor jy dit in ’n bak plaas saam met die marinade, bedek en oornag in die yskas hou. Onthou daarom apart te hou van die sous wat jy aanvanklik uitgeskep het.

Gooi die marinade af van die vis.
Braai die vis in ’n pan aan beide kante tot dit begin verbruin.
Bedien die vis saam met die behoue chermoula.

Die resep is genoeg vir 8 persone.

Bokkaas met rissie en dragon

Sommige mense is nie mal oor bokkaas nie. Miskien sal hierdie Spaanse resep jou tot nuwe insigte bring.

500 g ferm bokkaas, in blokke gesny
1½ koppie olyfolie
2 eetlepels rooiwynasyn
2 eetlepels vars, gekapte dragonblare
2 klein, vars rissies, fyngekap
6 knoffelhuisies, fyngedruk
½ teelepel varsgemaalde swartpeper

Meng al die bestanddele, bedek en plas oornag in die yskas.

Die volgende dag dreineer jy die kaas. Behou so 2 eetlepels van die olie-mengsel. Sprinkel dit oor die kaas net voor jy dit bedien.

Bedien dit net so of op brood.

Kokkedoortjie-oudisies

Oesters en Sjampanje

Dié oesterfees gaan hand aan hand met goeie sjampanje, kos en musiek.

Vanjaar se tema by die Oyster and Champagne Festival is goud en wit en feesgangers word versoek om dit in gedagte te hou vir hul kleredrag.
14 & 15 Oktober 2017 vanaf 12h00.
Hillcrest Quarry, Durbanville

Kaartjies is beskikbaar via Computicket @ R160 per persoon. Dit sluit ’n sjampanje-glas in en vyf gratis proekaartjies (nie vir persone onder 18 jaar nie).

Ps. Daar word jaarliks meer as 1 000 ton oesters wêreldwyd verorber.

(via Roekeloos.co.za)

Cosmopolitan

Dit is nie duidelik waar die cosmopolitan vandaan kom nie, maar New York is waarskynlik die stad van oorsprong.

Meng 1 koppie ysblokkies, 45 mℓ wodka, 30 mℓ Cointreau, 20 mℓ rooibosbessiesap en 10 mℓ lemmetjiesap. Skud saam en dreineer in ’n martini glas.
Garneer met lemoenskil.

Kokkedoortjie

Die inspirasie waarop elke gesin gewag het. Kokkedoortjie volg in die spore van die uiters gewilde Kokkedoor- en Koekedoor-reekse, met tien jong kinderkokke wat meeding vir die titel van die land se beste kinderkok.

Dié kookboek is ’n versamelstuk vir die derduisende aanhangers wat die Kokkedoortjies leer lief kry het, en wil bak en kook soos hulle.

Kokkedoortjie is ’n gesinskookboek, ’n kinderkookboek, ’n kookboek vir die kind in ons almal. Dit verweef elke dag se staatmakerresepte met ’n unieke bestanddeel – die kleurvolle verbeelding van ’n kind.

Dit wissel van eiernessies vir ontbyt, die beste kosblik-toebroodjies ooit, koekies vir Entrepreneursdag, trooskos, sportiewe hamburgers, piekniekslaaie in flesse, poetsbak-poedings, plaatkoekies en pannekoek. Daar is kreatiewe visgeregte en die finaliste se wengeregte wat die land se monde laat water. Die beoordelaars deel ook hul gunstelingresepte in die boek.

Errieda du Toit, inhoudsvervaardiger: kos van Kokkedoortjie, vang die hoogtepunte van die reeks in dié boek vas. Kokkedoortjie is haar agste boek. Sy is ’n geliefde kok en radiopersoonlikheid en haar mees onlangse boek, Tuistafel, word uit alle oorde besing.

Edwin Theron (13) van Worcester – wenner van Kokkedoortjie – is die spreekwoordelike klein pakkie met groot verrassings. In sy eie woorde: ‘die kleinste sleutels maak die grootste deure oop’. Hy is ‘n self-geleerde jong kok wat elke aand kos maak vir sy ma Marietjie en sussie Martli, wat hom baie selfvertroue in die kombuis gegee het.

Hy is vreesloos (hy is ‘n bekroonde stoeier, boer nou met bye en eet brandrissies soos lekkergoed) en avontuurlik, maar weet ook hoe om kos te maak wat almal van hou om te eet.

Sy gunsteling-resepte uit die kompetisie is almal in die Kokkedoortjie-boek opgeneem, van sy selfie-suurlemoenkolwyntjies wat hy vir die oudisie gemaak het, monsterkoekies uit Sesame Street, Franse roosterbroodvingers met graanvlokkie-kors, tregterkoekies tot sy Spaanse pizza, Usain Bolt-hoenderburger, beur-jou-op-bobotie en die souserige sjokoladekersiepoeding wat hy in die finale rondte gemaak het.

Sy kenteken-gereg “Beesfilet-Cordon Bleu balle met sampioenroomsous” is sy persoonlike gunsteling.

Kokkedoortjie / Errieda du Toit -- Human & Rousseau, 27 Julie 2017; 310 p. ; sagteband. -- ISBN 9780798176217

Kokkedoortjie,
Bettie Blom,
30 Augustus 2017.

3