Ribbetjies / Spare Ribs

So 2 kg varkrib sal genoeg wees vir vier persone.

Verder het jy nodig:
2 knoffelhuisies, fyn opgesny
2 cm gemmer, gerasper
125 ml heuning
60 ml lemoensap
60 ml appelasyn
125 ml tamatiesous
30 ml Worcestershire-sous
varsgemaalde swartpeper

Meng al die bestanddele en gooi oor die ribbetjies.
Maak alles dig toe en hou vir ten minste 24 uur in die yskas.
Braai jou spare ribs oor medium kole, eers die beenkant en dan die kant met die vleis. Gewoonlik neem dit so 8 minute per kant.
Die ribbetjies word met die hand geëet, so onthou die bakkie met louwarm water en suurlemoen vir elke gas.

Bedien dit met gebakte aartappels en 'n groenslaai, of gebakte groente en 'n noedelslaai.