Baklava / Baklawa

'n Lebanese vriendin van my sê dis 'n ware wenner.

375 g filo deeg
250 g ongesoute botter, gesmelt
150 ml dik suikerstroop
2 koppies fyn gemaalde kasjoeneute
¼ koppie grof gemaalde pistasieneute

Resep vir dik suikerstroop
2½ koppies water
800 g suiker
1 eetlepel suurlemoensap
1 eetlepel rooswater

Oor 'n matige hitte, bring die water, suiker en lemoensap tot kookpunt. Sit 'n deksel op die pot en kook vir 20 minute tot die suiker volkome geabsorbeer is en die stroop mooi dik is.
Gooi nou die rooswater by en verwyder.
Bêre die stroop in die yskas. Dit maak omtrent so 250 ml.

Verhit die oond to 220 ºC. Sny die filo deeg tot die grote van jou pannetjie, 'n goeie grote pannetjie is om trent so 25cm X 35 cm.
Gebruik 'n kwassie en verf die pannetjie met 'n bietjie van die gesmelte botter.
Sit so helfte van die filo deeg in die pannetjie en verf elke tweede bladjie met botter.
Strooi die kasjoeneute eweredig oor die deeg.
Plaas die oorblywende filo deeg daaroor, verf elke tweede bladjie deeg met botter. Moenie die boonste filo bladjie met botter verf nie.
Met 'n skerp mes sny parallel 3.5cm tussen elke snit tot op die bodem van die pannetjie, sny dan diagonaal sodat jy diamantvormpies het.
Verf dan die res van die botter op die op die boonste lagie.
Bak vir 10 minute. Verlaag die hitte tot 180 ºC bak vir 'n verdere 35 minute tot goudbruin.
Verwyder uit die oond.
Verhit die stroop en gooi oor die warm deeg.
Strooi pistasieneute oor en laat dit afkoel.
Stoor in 'n lugdigte houer.

Resep: B&B