Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

11/25/2008

Malvalekkers

Wie ken nie daardie smelt in die mond wit en pienk sagte lekkergoed nie? Almal hou seker nie daarvan nie, maar dit is een van die tydlose treffers. So nou en dan kom daar ´n variasie malvalekkers uit met vrugtegeure. Of hulle maak sulke gedraaide marshmallows. Maar die toets van die tyd is maar die beste beoordelaar van smake, en natuurlik seëvier die wit en pienk malvalekkers nog altyd. Die heerlikste slaai (of dalk is dit nagereg) wat ek nog geëet het is Marshmallowslaai.

In die 1800's het dokters die sap van die marsh mallow plant se wortels onttrek. Hulle het dan die sap gekook saam met eierwit en suiker. Hulle het dan die konkoksie geklits totdat dit ´n skuimerig meringue gevorm het. Die mengsel het dan verhard. Hierdie mengsels is dan vir kinders gegee om te eet as hulle kele seer was. Maar dit was nie al waarvoor die konkoksie gebruik was nie. Dit het ook gehelp om hoesbuie te onderdruk, die immuunstelsel te versterk en ook om wonde te genees.

Dit is nie net in die 1800's wat die sap van die Marsh Mallow gebruik is nie. Die eerste gebruik en die maak van marshmallows dateer terug na die ou antieke Egipte. Daar het hulle heuninglekkergoed verdik met die sap van die marsh mallow.

In die laat 1800's het die mense gelatien begin gebruik in plaas van die marsh mallow se sap. Toe hulle dit begin doen het was dit ook die einde van die helende eienskappe van malvalekkers. In 1948 het Alex Doumak uitgevind dat mens marshmallow-mengsel in pype kan sit en dan in ewe lang stukke kan sny. Dit het produksie versnel.

Hier is my gunsteling marshmallow slaai resep:

300g Malvalekkers
1 Blikkie fyn pynappel
175 ml Grenadella jogurt

Sny die malvalekkers in kwarte. Meng al die bestanddele saam. Laat staan oornag en geniet dit die volgende dag.

Wie sê dat lekkers nie goed is vir ´n mens nie?

deur Frik Lombard

No comments :

Post a Comment