Drie-sitrus marmelade / Three Citrus marmelade

2 lemoene
2 pomelos
2 suurlemoene
sowat 2 liter water
witsuiker

Sny die skil van vrugte in repies en trek versigtig af.
Sit in gaasdoekie en bind vas.
Sny heel vrugte in wiggies en verwyder die pitte.
Verwyder die wit gedeeltes.
Meet hoeveel pulp daar is en sit dit in die kastrol.
Voeg 500 ml water vir elke 250 ml pulpmengsel by.
Verhit tot kookpunt.
Verlaag hitte en kook vir nog 40 minute oor stadige hitte.

Giet die mengsel in maatbeker en voeg dan 250 g witsuiker by vir elke 250 ml pulp. Giet alles, ook die skilsakkie, in die kastrol.
Verhit stadig tot die suiker opgelos is.
Verhit en kook mengsel vir 25 minute, totdat dit nie meer waterig is nie.

Laat afkoel, as dit stewig en nie meer loperig is nie, is dit reg.

Skep warm marmelade in bottels wat gesteriliseer is.

Lewer sowat 2 liter marmelade.

Opsioneel: 1 Gesnyde pynappel kan ook bygevoeg word. Vir iets anders!