Geroosterde piepkuikens

Jy het 2 piepkuikens nodig, wat deur die bors en ruggraat gehalveer is.

Sous:

30 ml tamatiesous
30 ml vrugte blatjang
20 ml aangemaakte mosterd
10 ml Worcestersous
5 ml sojasous

Voorverhit die oond tot 200ºC.

Verwyder die been van die kuikens se ruggraat en sny 2 - 3 diagonale kepe in die borsgedeelte van die kuikens.

Meng die sousbestanddele saam en verf oor die hoenderhelftes. Plaas op die oondroosterrak. Rooster vir sowat 20 - 25 minute terwyl jy dit gereeld met die sous bedruip.

(resep is genoeg vir 4 persone)