In Nigellissima fokus Nigella Lawson op die Italiaanse kookkuns, meer spesifiek geregte sonder enige pretensie.
Nigella dek alles, van vis, vleis, groente en natuurlik pasta. Die lam ragu is perfek vir wintersaande. Die spaghettini met suurlemoen en knoffel broodkrummels is binne minute gereed. Suid-Afrikaners behoort te hou van Nigella se Meatzza. Dit is 'n frikkadelmengsel wat platgedruk word in 'n pan, 'n pizza gemaak van vleis. Dit word gegeur met die bestanddele vir 'n tradisionele Margherita. Die klein eiervruggies met oreganum en rooi uie is 'n baie oulike voorgereg. Nog oulike kombinasies is groenboontjies met pistasiepesto en fynaartappels met mascarpone.
Soos altyd is soetgoed baie belangrik vir Nigella. Daar is heelwat resepte om uit te kies, maar die sjokolade en lemoen mousse gaan baie aanhangers hê.
Die boek bevat 120 resepte, met metodes vir voorbereiding wat eenvoudig en vinnig is – perfek vir 'n feesmaal sonder fieterjasies en perfek vir diegene wat nie hou van stres oor 'n resep nie.
Gebruik die soekenjin (bo) of die alfabetiese gidse (onder) om te soek vir resepte of ander inligting.
Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes
No comments :
Post a Comment