Heineken in nuwe blikke

Heineken bier se blikkies het ’n nuwe voorkoms.

Die groen baan is steeds voorop, maar sonder ’n wit middel. Met die blikkie se blink aluminium voorkoms gee dit ’n gevoel van deursigtigheid. Dis egter die agterkant wat ’n reuse- impak gaan maak. Die handelsmerk se rooi ster is nou ook (baie prominent, op die agterkant van die blikkie.

Heineken het gereeld die toon aangegee met hul verpakking. Dit het destyds begin toe die vader van Heineken, Gerard Heineken, besluit het om ’n groen bottel vir sy bier te gebruik, in plaas van die tradisionele bruin bottel.