Camembert-amandelbolletjies

1 camembert kaas
250 mℓ fyngemaalde amandels
250 mℓ droë witwyn
125 mℓ saggemaakte botter

Plaas die kaas in ’n glasbak, gooi die wyn oor en laat dit so staan vir 8 uur lank by kamertemperatuur.
Roer dit af en toe om.

Gooi die vloeistof af, druk die kaas deur ’n growwe sif en meng dit dan met die botter.
Verkoel dit deeglik in die yskas.

Vorm 24 klein bolletjies en rol die bolletjies in die fyngemaakte amandels.

Bedien saam met kraakbeskuitjies.