Aartappels en uie / Patate con la Cipolla alla Triestina

Hierdie is ’n smaaklike, onpretensieuse Italiaanse dis. Dit gaan goed saam met gebraaide vleis.

800 g aartappels, gekook, die skil verwyder en indik skywe gesny
50 g vet spek, in blokkies gesny
2 eetlepels botter
1 ui, in ringe gesny
Sout en varsgemaalde swartpeper

Verhit die botter en spek saam in ’n swaarboom pan.
Braai die ui hierin tot deurskynend. Benat dit met water van tyd tot tyd.

Voeg die aartappels by, geur met sout en peper en kook op ’n baie warm plaat. Draai die aartappels van tyd tot tyd. Probeer om nie die aartappels te veel te breek nie.