Toks se biltongpotjie

Ina Pienaar wou graag die resep vir Toks van der Linde se biltongpotjie hê wat sy op Roer gesien het:

3 uie, gekap
1 pakkie sampioene, in skywe gesny
1 pakkie spek, opgesny
1 pakkie Frankfurters, opgesny
1 pakkie cheese griller-worsies, opgesny
720 g beesbiltong, gekerf
1 pak skroefnoedels
1 pakkie sampioengeur Tastic-rys
1 pakkie Spaanse geur Tastic-rys
250 g gerasperde kaas

Braai die uie en sampioene in die pot in olie en geur met braaisout. Gooi spek by en braai nog 2 minute. Voeg worsies by en braai vir 5 minute. Gooi noedels, rys en een ketel kookwater in. Bedek en laat kook vir 20 minute. Gooi biltong oor, bedek en laat stoom vir 5 minute. Gooi gerasperde kaas oor, bedek en laat staan vir vyf minute. Maak net seker daar is heeltyd 'n nattigheidjie onder in die pot.


Resep: Anne September