Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes


8/26/2008

Spanokopitas

Spanokopitas is ’n gewilde Griekse voorgereg of happie.

1 eetlepel olyfolie
1 ui, gekap
1 knoffelhuisie, gekap
200 g spinasie, geblansjeer, stingels verwyder en fyn gekap
1 eier, geklits
125 ml feta, gekrummel
2 ml neutmuskaat
sout en varsgemaalde swartpeper
½ pakkie blaardeeg
80 ml botter, gesmelt

Verhit die olie en soteer die ui en knoffel tot sag. Voeg die spinasie en al die bestanddele, behalwe die deeg en botter, by.

Rol die deeg oop en bedek met 'n klam lap. Neem een vel en borsel die helfte liggies in die lengte met die botter. Vou in die helfte, lengtegewys, met die botter aan die binnekant. Nou het jy 'n lang strook van twee lae. Plaas twee eetlepels vulsel in by die een kant.
Vou die hoek oor die vulsel om 'n driehoek te vorm. Hou aan vou tot al die deeg gebruik is.
Borsel die pakkie met botter.
Plaas op 'n geoliede vel bakpapier.
Bak vir 10 minute teen 180ºC.

No comments :

Post a comment