Loading

Gebruik die soekenjin (bo) of die alfabetiese gidse (onder) om te soek vir resepte of ander inligting.


Bees | Braai | Brood | Bier | Drankies | Eend | Eier | Fisant | Gans | Groente | Haas | Hoender | Inlê | Kaas | Kalf | Kalkoen | Koek | Koekies | Konyn | Krokodil | Lam | Nagereg | Pasta | Patrys | Rys | Seekos | Skaap | Slaai | Sop | Souse | Tarentaal | Vark | Vegetaries | Vis | Vleis | Vrug | Volstruis | Wild

Ontbyt | Peuselhappie | Voorgereg / Entrée | Hoofgereg | Bykos | Slaai | Nagereg | Drankies | Wyn

Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

Suid-Afrikaans | Amerikaans | Argentyns | Brasiliaans | Chinees | Duits | Egipties | Engels | Frans | Grieks | Hongaars | Indies | Indonesies | Israelies | Italiaans | Japanees | Joods | Kameroens | Kanadees | Karibies | Kongolees | Koreaans | Kreools | Kubaans | Libanees | Libies | Maleisies | Maltese | Marokkaans | Mexikaans | Mosambieks | Nederlands | Nigeries | Noorweegs | Oostenryks | Persies | Peruaans | Pools | Portugees | Puerto Ricaans | Russies | Skots | Spaans | Sweeds | Switsers | Thai | Turks | Viëtnamees | Vlaams | Wallies
| Wes-Indies


9/22/2008

Hamburger

Frik Lombard

Ek het al bizarre dinge in my lewe beleef en gesien maar niks kom by die geskiedenis van die hamburger nie. Dit begin met die Russiese Tartare wat in die middeleeue stukke rou beesvleis geneem het, onder hulle perde se sale gesit het en heeldag gery het. Die vleis het dan heerlik sag geword en die Tartare het die vleis dan net so rou geëet aan die einde van die dag. Hierdie is die hele geskiedenis van Beef Tartare.

´n Hele paar jaar later het Duitse immigrante van Hamburg in Duitsland, na Amerika gegaan met ´n dis wat hulle genoem het Hamburg Style Beef. Dit herinner baie sterk aan die Beef Tartare van die middeleeue. Al verskil van die Hamburg-dis en die Beef Tartare is dat die vleis in die Hamburg-dis fyn gekap was.

Die eerste geloofwaardige aantekening van die Hamburger is gemaak in 1904. Op die St Louis World Fair is die eerste hamburgers verkoop. Die hamburgers is gemaak met saamgeperste Hamburger vleis, gebraai en op ´n broodjie geplaas. Net daar het die hamburgergier die mens beetgepak.

White Castle, ´n restaurantgroep in Amerika, het in 1921 begin om hamburgers te verkoop. Die hamburgers het hulle vir 5 Amerikaanse sent verkoop. In 1934 het die Wimpy Burger sy verskyning gemaak.

Wimpy is die naam van Popeye se swaer wat so baie hamburgers eet. Wimpy het hulle burgers vir die hoër inkomstegroep gemaak en hulle burgers het 10 Amerikaanse sent gekos. Toe die eienaar van Wimpy dood is in 1978 het al 1500 Wimpy´s in Amerika toegemaak. Dit het gebeur volgens die wense van die eienaar. Ek kon dit nie bevestig nie maar vele soektogte vir Wimpy´s in Amerika het niks opgelewer nie.

Verder het die hamburger maar lank geneem om te verander. Eers in die vroeë sestig jare het iemand ´n stuk kaas op die burger gesit en dit ´n Kaasburger genoem. In die sestigerjare het McDonalds ook begin om hamburgers te verkoop. Voorheen was hulle bekend vir warmbrakke. McDonalds sal in my boeke nie staan vir die plek wat die lekkerste hamburgers maak nie. Maar ons moet hulle seker die eer gee vir die vinnige maak van smaaklose hamburgers.

In 1967 het Wimpy die eerste keer sy deure in Durban oopgemaak. In daardie tyd het die stapelvoedsel nl. Hamburger, chips en coke ´n enorme bedrag van 60 sent gekos. Van daar af het Wimpy ´n huishoudelike naam in Suid Afrika geword.

Maak nie saak hoe en waar die hamburger vandaan gekom het nie, dit bly maar nog ´n heerlike, miskien ongesonde, ete. Die woord chips is ook sinoniem met die woord hamburger. Al is ons Afrikaans, Hamburgers, Chips en coke sal een van die gewildste etes bly.

No comments :

Post a Comment