Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

9/23/2008

Hoenderlewers met roomsous en kruie / Chicken Livers with Cream Sauce and Herbs

250 g hoenderlewers
250 g sampioene in skyfies gesny
sout en gemaalde swartpeper
4 salotte, fyngekap
45 g botter
25 ml wynasyn
25 ml droë witwyn
250 ml room
3 ml neutmuskaat
30 ml - vars gekapte kruie (basielkruid, kerwel, kruisement en salie)

Week die hoenderlewers in die volgende vir 1 uur:
25 ml port
25 ml brandewyn
25 ml sjerrie
sout en peper

Braai sampioene in 15 ml botter tot vog wegkook. Geur met sout en peper. Sit eenkant.

Dreineer lewers en braai in 30 g botter (gooi bietjie olie by om te verhoed dat dit spat). Roerbraai tot gaar, maar moet nog pienk binne wees.
Skep uit en hou eenkant.

Braai salotte in dieselfde pan tot sag.
Voeg wynasyn en witwyn by en laat vinnig indamp.
Voeg room by en sout en peper en neutmuskaat.
Voeg sampioene en lewers by en warm op (moenie te vinnig kook nie, dit sal die lewers taai maak).
Voeg kruie by en roerbraai vir paar minute.

Dien op saam met croûtons.

Resep: Petro van der Westhuizen

No comments :

Post a Comment