Loading

Braai | Brood | Drankies | Eier | Graan | Groente | Happies | Inlê | Kaas | Koek | Koekies | Nagereg | Pasta | Pluimvee | Slaai | Sop | Souse | Vegetaries | Vis en Seekos | Vleis | Wild | Voorgereg / Entrée | Hoofgereg | Slaai | Nagereg

Kookterme / Woordelys | Wenke en Advies | Resepteboeke | Oondtemperature | Mate en gewigte | Wyn | Wynwoordeboek | Bier | Die spens

9/30/2008

Omelet / Omelette


Om 'n goeie, basiese omelet te maak het jy botter nodig en 3 eiers per persoon. En moet nooit probeer om 'n omelet te maak vir meer as 2 persone op 'n slag nie. Dit werk nie, tensy jy natuurlik 'n reuse pan het.

Die (vars!) eiers moet goed geklits word met die hand. Dit moet ook 'n knippie sout kry.

Smelt 'n groot stuk botter in 'n swaarboompan. Hou bietjie gesmelte botter eenkant om oor jou omelet te gooi.
Dit moet oor lae hitte gesmelt word – moenie dat die botter verbruin nie!

Gooi die eier by, terwyl jy die pan skud. Dit is om te sorg dat die eier nie vassit op een spesifieke plek in die pan nie. Draai die pan sodat die eier die hele bodem bedek. Hou aan met skud.

Na 'n paar minute sal jy sien dat die omelet begin stol. Lig die pan weg van jou en vou ⅓ van die omelet aan jou kant na die middel toe. Nou lig jy die pan na jou toe op en vou ⅓ van die ander kant af na jou toe. Gly die omelet uit in 'n bord.

Indien jy die omelet net in die helfte vou is die eier geneig om uit te loop.


Stuur jou resepte na con@qvrp.net . Foto's van die resepte is ook welkom.

No comments :

Post a Comment