Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

9/30/2008

Oor tamaties

Ons gebruik soveel tamaties dat ons nie eers twee keer verder dink aan hulle nie. ´n Mens kan gerus in diepte na die vrug kyk. Nou sien ek baie mense frons, maar botanies is tamaties eintlik ´n vrug. Die Amerikaanse Hoërhof het beslis dat tamaties groente is en nie vrugte nie.

Maar hoe dit ook al sy tamaties kan op verskeie maniere geëet en geniet word. Daaroor hoef ek sekerlik nie te skryf nie. Die oorsprong van tamaties is nogal duister en kan nie met sekerheid vasgestel word nie. Wat wel waar is, is dat daar sowat oor die drieduisend soorte tamaties is waarvan sowat 300 suksesvol kommersieël gekweek word.

Sowat 200 honderd jaar gelede is daar in Amerika geglo dat tamaties giftig is. Voordat iets met tamaties aangevang is, was hulle vir ure gekook om van al die gifstowwe ontslae te raak. Maar ek dink daar het die tamaties so in hulle stilligheid besluit to hier en nie verder nie.

Die tamaties het hulle geheime vir ´n hele paar jaar goed weggesteek. Toe die wetenskaplikes begin navorsing doen oor tamaties het hulle bevind dat tamaties meer het as ´n mooi rooi skil. In daardie rooi skil is daar baie lycopene.

Harvard Universiteit het bevind dat mans wat tamatiesous wat ryk is aan lycopene 2 tot 4 keer per week eet se kans op prostaat kanker 35% minder is. ´n Ander universiteit het bevind dat mense wat baie tamatiesap drink het 20% minder skade in hulle longe gehad as ander mense.

Nog ´n interessante bevinding is dat mense wat ongeveer sowat 1 kg tamaties per dag eet se cholesterol met 14% verminder het. Die vlies om die tamaties se pitte verminder die risiko van bloedklonte met 72% . Al wat mens hoef te doen is om 4 tamaties per dag te eet. As mens gereeld tamaties eet (veral die mense oor 40) kan jou sig verbeter.

As mens ´n paar gram tamatie puree eet kan dit help om jou vel se sonbrand skade tot met 40% te verminder maar dit is nog nie al nie want nog ´n studie het getoon dat in ouer mense met baie lycopene in hul sisteem baie meer geestelik en fisies aktief is.

Wat kan ons doen om voordeel uit die tamatie te trek? Eet so vyf keer per week tamaties en of tamatie gebaseerde produkte. Die groot geheim is dat wanneer tamaties warm gemaak word, word daar meer lycopene vrygestel. So die beste is om tamatie puree, tamatiesap, tamatiesous, tamatiesop en geblikte tamaties te eet.

Gelukkig is tamatiesous ´n gewilde produk by groot en klein, want wat is nou juis lekkerder as ´n bord skyfies met ´n lekker blobs of twee tamatiesous waarin jy die skyfies doop voordat jy dit eet?

Gewoonlik wanneer iets lekker is vir ´n mens is dit nie goed vir jou nie, neem maar biltong en braaivleis. Maar tamaties dink ek is die enigste lekker ding wat ek ken wat goed is vir jou.

- deur Frik Lombard

No comments :

Post a Comment