Wanneer dit by swartmossels kom is reël nommer een dat dit moet vars wees, met ander woorde nog leef. Indien jy nie die moets en moenies ken van mossels uithaal nie moet jy dit eerder by 'n supermark koop.
Vir ses mense het jy so 60 swartmossels nodig. Week die mossels in varswater vir 2 ure en skrop dan die skulpe skoon.
Plaas jou mossels in 'n oond van 200 grade Celsius vir 10 minute sodat hulle kan oopmaak.
Nou gooi jy al die halwes weg wat leeg is en verwyder enige baard.
Meng 250 g saggemaakte botter met 'n fyngekapte knoffelhuisie en 'n bietjie fyngekapte pietersielie.
Pak die swartmossels in 'n oondpan en skep 'n teelepel van die bottermengsel in elke mossel.
Sprinkel broodkrummels oor die swartmossels en plaas onder die oondrooster tot goudbruin.
Bedien saam met lekker vars brood.
No comments :
Post a Comment