Swartwoudkoek / Schwarzwälder Kirschtorte / Gâteau de la forêt-noire

Die Swartwoudkoek het sedert die dertigerjare tot die gewildste roomtert in Duitsland ontwikkel en is vandag wêreldwyd bekend. Die oorsprong van die tert is nie bekend nie; dit is ondanks die naam waarskynlik nie in die Swartwoud in die suid-weste van Duitsland uitgevind nie. Die aard van die koek laat kenners vermoed dat 'n professionele pâtissier of fynbakker die resep bedink het.

'n halwe koppie margarine
een en 'n halwe koppie suiker
twee derde koppie kakao
1 en twee derde koppie meel
1 teelepel vanilla-ekstrak
1 en 'n halwe koppie karringmelk
2 eiers
1 en 'n halwe teelepel bakpoeier
1 teelepel sout

halwe koppie kirschwasser
halwe koppie botter
3 halwe koppies strooisuiker
'n knypie sout
1 teelepel sterk koffie
2 blikkies kersies, gedreineer

500 ml room
halwe teelepel vanilla-ekstrak
1 eetlepel kirschwasser
gerasperde amandels
gerasperde sjokolade en sjokolade krulle

Verhit die oond tot 180ºC.

Voer die bodem van 2 koekpanne uit met bakpapier.

Sif die meel, kakao, bakpoeier en teelepel sout saam. Hou eenkant.

Verroom die suiker en margarine.
Klits die eiers en 1 teelepel vanilla-ekstrak by.
Klits die meelmengsel en karringmelk by.
Gooi in die koekpanne.
Bak vir 40 minute.

Laat heeltemal afkoel en sny dan elke koek horisontaal in twee.
Sprinkel die kirschwasser oor die 4 koeke.

Verroom die halwe koppie botter en klits die knypie sout, strooisuiker en koffie by tot glad. Gebruik dit as versiering en smeer dit op elke laag koek.
Deel die kersies tussen die verskillende koeke.
Jy het dus nou 4 koeke, elkeen gesmeer met die koffieversiersel en bedek met kersies.
Plaas die lae koek op mekaar.

Klits nou die 500 ml room, halwe teelepel vanilla-ekstrak en 1 eetlepel kirschwasser saam.
Bedek die kante en bokant van die koek met die roommengsel.
Versier met gerasperde amandel en die sjokolade.