Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

11/18/2008

Outydse doekpoeding

1½ koppie suiker
1 koppie botter
3 eiers
2 eetlepels appelkooskonfyt
4 koppies meelblom
1 teelepels elk naeltjies (fyn), kaneel, gemmer en sout
3 teelepels koeksoda
1 koppie elk sultanas, korente, versuikerde skil, pitlose rosyne en melk
¼ koppie warm water, afgekoel
2 eetlepels brandewyn
Sif meelblom, naeltjies, gemmer, kaneel en sout saam.

Klop suiker en botter tot room. Voeg dan eiers een vir een by en klop goed.
Voeg appelkooskonfyt by.
Meng koeksoda met melk en voeg by bottermengsel.
Voeg vrugte en droë bestanddele by bottermengsel en meng beurtelings met melk en water.
Voeg brandewyn by mengsel en roer goed.

Maak groot 'n doek klam en bestrooi met meelblom.
Skep die mengsel daarop in die middel, laat bietjie ruimte toe vir rys, en bind goed vas.
Sit 'n ou piering in kastrol met kokende water en sit poeding in. Kook vir ongeveer 4 uur. Kyk dat water nie droog kook nie. Voeg kookwater by indien benodig.

Bedien met brandewynsous.



Brandewynsous:
750 ml kookwater
2 stukke gemmer -vars - gekneus
2 stukke pypkaneel
4 naeltjies
1 lemoen se skil
250 ml suiker
25 ml mielieblom
knippie sout
25 ml brandewyn
Kook water, speserye en lemoenskil stadig saam totdat wat gegeur is.

Syg deur en gooi water terug in die kastrol. Meng suiker, mielieblom en sout en voeg bietjie warm gegeurde water by en meng tot glad. Gooi die mensel by gegeurde water en kook dan alles saam tot sous dik en gaar is. Dit neem ongeveer 3 minute. Voeg brandewyn by net voor opdiening.

2 comments :

  1. Anonymous7/8/12 16:39

    what in the place of 'brandewyn'?

    ReplyDelete
    Replies
    1. Anonymous14/8/12 10:24

      Whiskey if you want to use alcohol. If not then a fruit juice, such as apple, apricot, peach or grape juice. You can also use flavoured extracts. I will use apricot juice.

      Delete