Sjokoladekoek / Choclate Cake

125 g botter
1 koppie strooisuiker
1 koppie water
1½ koppie bruismeel
35 g kakao
½ teelepel koeksoda
2 eier geklits

Voer 'n mikrogolf koekbak - ringbak met bakpapier uit. Meng in ander bak botter, suiker en water. Kook onbedek vir 4 minute. Roer eenkeer om. Laat koud word by kamertempratuur. Sif droë bestandele saam. Meng met verkoelde mengsel en voeg eiers by. Die mengsel moet glad wees. Gooi in koekpan en kook onbedek vir 10 minute. Bedek en laat staan vir 10 minute in mikro.

Resep 2

Stroop:
200 ml suiker
250 ml kookwater
Deeg:
250 ml koekmeel
30 ml bakpoeier
5 ml sout
250 g margarien
100 g suiker
400 g donker sjokolade
30 ml brandewyn
5 eiers
30 ml melk
250 g sjokolade, gesmelt

Sif die meel, bakpoeier en sout saam. Smelt die margarien, 100 g suiker, 200 g sjokolade en brandewyn saam. Klits die eiers een vir een by die margarien-mengsel. Voeg by die droë bestanddele. Bak die koek 45 minute teen 180ºC. Maak die stroop aan en gooi oor koek. Smelt die res van die sjokolade en die melk en gooi oor koek.

Versier met iets van jou keuse.
resep: Petro van der Westhuizen