Loading

Gebruik die soekenjin (bo) of die alfabetiese gidse (onder) om te soek vir resepte of ander inligting.


Bees | Braai | Brood | Bier | Drankies | Eend | Eier | Fisant | Gans | Groente | Haas | Hoender | Inlê | Kaas | Kalf | Kalkoen | Koek | Koekies | Konyn | Krokodil | Lam | Nagereg | Pasta | Patrys | Rys | Seekos | Skaap | Slaai | Sop | Souse | Tarentaal | Vark | Vegetaries | Vis | Vleis | Vrug | Volstruis | Wild

Ontbyt | Peuselhappie | Voorgereg / Entrée | Hoofgereg | Bykos | Slaai | Nagereg | Drankies | Wyn

Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

Suid-Afrikaans | Amerikaans | Argentyns | Brasiliaans | Chinees | Duits | Egipties | Engels | Frans | Grieks | Hongaars | Indies | Israelies | Italiaans | Japanees | Joods | Kameroens | Kanadees | Karibies | Kongolees | Koreaans | Kreools | Kubaans | Libanees | Libies | Maleisies | Maltese | Marokkaans | Mexikaans | Mosambieks | Nederlands | Nigeries | Noorweegs | Oostenryks | Persies | Peruaans | Pools | Portugees | Russies | Skots | Spaans | Sweeds | Switsers | Thai | Turks | Viëtnamees | Vlaams | Wallies
| Wes-Indies


 

Teken in op ons maandelikse nuusbrief:

11/17/2008

Suurlemoene

Frik Lombard

Suurlemoene, so word geglo, kom oorspronklik van Indië en die Suide van China af. Daar het handelaars die wonderlike vrug, wat klaar verpak is in ´ dik skil, se wondere besing. Honderde jare gelede het die handelaars al geweet dat suurlemoene kos preserveer en ook as geurmiddel gebruik kan word. Dit was ook gebruik as geneesmiddel en kon ook as ´n verfrissende drankie gebruik word.

Alexander die Grote word daarmee gekrediteer dat hy in sy togte mense saamgeneem het wat hulle kennis oor suurlemoene aan ´n groot deel van die wêreld bekend gemaak het. So het die suurlemoen begin versprei. Suurlemoene word gebruik in alles en nog wat. Van kook tot in skoonheidsmiddels en ook in gesondheidsmiddels word suurlemoene gebruik.

Suurlemoensap is ´n natuurlike voorbehoedmiddel en HIV bekamper. In studies wat onlangs in Australië gedoen is het hulle bevind dat suurlemoensap sperm en HIV selle vernietig. Hoe hulle hierdie teoretiese kennis in die praktyk gaan laat werk weet ek nie en wil my liewers nie daaroor uitspreek nie.

Die suurlemoen en veral die suurlemoenskil bevat heelwat limonene (olie). Hierdie olie is ´n natuurlike geneesmiddel vir die genesing van krampe, inflammasie en artritis omdat dit die vloei van limfstowwe aanhelp. Maar dit is nie net die skil wat van waarde is nie maar ook die blare. Wanneer ´n tee gemaak word van suurlemoenblare en gedrink word help dit om spanning te verlig asook om simptome van asma te verlig en slaaploosheid die nek in te slaan.

Meeste van die smaak en aroma van suurlemoene kom van die skil af. Dit is waarom in die meeste disse aanbeveel word dat gerasperde suurlemoenskil gebruik moet word. Jy kan self so jou gunsteling disse ´n bietjie opkikker met suurlemoenskil.

Wanneer jy kook moet jy die suurlemoensap bygooi net voor jy die kos afhaal. Anders word die vitamien C vernietig deur die kookproses. Wat nog nuttig is, is om suurlemoene uit te druk en dan die sap te vries in ´n ysblokkie houer. Wanneer die sap gevries is haal net die blokkies uit en sit in ´n plastiese sak. Sit in vrieskas tot benodig. So kan jy ook die skil rasper en vries. Daar is niks lekkerder in kos as vars suurlemoensap nie.

Wanneer jy Sondag die hoender in die oond braai kan jy gerus so ´n paar wiggies suurlemoen in die holte van die hoender sit. Die suurlemoensap en die hoender se sous vorm saam een heerlike sous. Suurlemoensap kan ook gebruik word om vleis mee te marineer. Moet net nie die vleis in die sap verdrink nie. Om groente hulle kleur te laat behou kan jy net so ´n paar druppels in die groente gooi wanneer dit kook. Suurlemoensap is ook ´n heerlike plaasvervanger vir asyn. Gebruik eerder suurlemoensap in slaaie en natuurlik op vis.

Suurlemoene en suurlemoensap is nie net vir kook nie. Suurlemoensap alleen kan gebruik word om jou vel te verkwik. Maar nou kan jy ander plante ook byvoeg of as jy wil sommer net ´n bietjie water byvoeg. Meng sap met sout en plaas dit mengsel op ouderdomsvlekke. Na ´n paar van die behandelings sal die vlekke ligter word. Eksperimenteer maar gerus met die wonderlike sap.

Verder kan jy ook dieselfde mengsel van suurlemoensap en sout gebruik om jou koper weer ´n mooi en wonderlike glans te gee. Daar sal ook seker soos die jare aanstap meer gebruike vir die suurlemoen gevind word. Indien U enige ander gebruike het vir suurlemoene laat weet my gerus.

1 comment :

  1. Anonymous28/1/10 13:57

    En natuurlik netraliseer dit sure in die liggam : as jy suurlemoensap drink voorkom / beperk dit galuitslae en nierstene. Probeer dit maar gerus.
    Groete
    Louis

    ReplyDelete