Geelbek met botterskorsie / Cape Salmon with Butternut

1 kg geelbek, skoongemaak en in 6 porsies gesny
10 ml sout
30 g botter
1 groot botterskorsie, afgeskil en die sade verwyder en toe gerasper
45 ml gesmelte botter
2 knoffelhuisies, fyn gesny
20 ml Thaise groen kerriepasta
30 ml meel
5 ml kerriepoeier
knypie rooipeper

Smelt die 30 g botter in 'n pan en roerbraai die botterskorsie vir 5 minute. Gooi die 10 ml sout by die botterskorsie. Plaas in 'n oondbak nadat jy dit geroerbraai het.
Smeer die vis met die kerriepasta.
Meng die meel, kerriepoeier en rooipeper en druk al die visstukke om die beurt daarin. Haal dit uit en pak bo-op die botterskorsie in die oondbak. Gooi die gesmelte botter en die knoffel oor die vis.
Bak by 220 ºC vir 20 minute.

Bedien met vars koljander, 'n tamatieslaai en basmati rys.