Omelet met rissie

Hierdie omelet is vir die van ons wat hou van 'n lekker branderige smaak - in alles wat ons eet.

15 ml olyfolie
4 groot eiers
1 rissie, fyn opgesny
tamatie, in blokkies gesny
komkommer, in blokkies gesny
feta, in blokkies gesny
sout en varsgemaalde peper

Verhit die olie in 'n pan.
Klits die eiers liggies en voeg die rissie en geurmiddels by.
Gooi die helfte van die eiermengsel in die pan - net genoeg vir 'n dun pannekoek. Kook gaar oor matige hitte.
Gebruik die res van die mengsel vir die tweede omelet.

Plaas tamatie, komkommer en feta op die een helfte van elke omelet en vou toe.

Bedien dadelik saam met 'n vars baguette.