Klapperkoekiemengsel

Hierdie mengsel kan gebêre word tot die dag wanneer almal lus het vir koekies.

540 g koekmeelblom
10 mℓ bakpoeier
5 mℓ sout
200 g melassesuiker
200 g wit suiker
200 g kookvet

Sif die meelblom, bakpoeier en sout saam.
Voeg die melassesuiker by.
Vryf die vet by die helfte van die mengsel tot dit soos growwe broodkrummels begin lyk.
Meng met die res van die mengsel.
Bêre in ’n lugdigte houer.

Meng 625 mℓ van bogenoemde mengsel met:
80 g klapper
60 mℓ appelkooskonfyt
50 mℓ lemoensapkonsentraat
grypie fyngerasperde lemoenskil

Skep teelepels vol van die mengsel op ’n gesmeerde bakplaat en druk dit effens plat.
Bak tot goudbruin by 180ºC.
Laat afkoel en bewaar in ’n lugdigte houer.