Italiaanse pietersieliesous / Salsa Verde

Hierdie sous is ideaal vir warm of koue vleis en geposjeerde of gestoomde vis.

1 hardgekookte eier, fyngekap
2 ansjovis-filette, fyngekap
5 mℓ kappertjiesaad, fyngekap
’n hand vol pietersielie, fyngekap
30 mℓ fyn broodkrummels geweek in 30 mℓ witwyn asyn, druk die asyn uit voor jy die broodkrummels gebruik
Olyfolie
Sout

Meng die eier, ansjovis, kappertjies, pietersielie en broodkrummels saam.
Klop nou die olyfolie bietjie vir bietjie by tot die sous romerig raak.
Geur met sout na smaak en laat ten minste 2 uur lank staan voor jy dit gebruik.

Kortpad: Dis natuurlik baie makliker om hierdie sous sommer in n voedselverwerker te maak.