’n Bekende gesegde in die Bo-Kaap is: “die kombys is die hart van die hys.” Dit is hier waar die probleme opgelos word, stories vertel en resepte beproef, getoets en vervolmaak word.
Vanjaar vir die derde keer, neem die Bo-Kaap Meander jou op ’n 2-uur lange kos en kultuurtoer en verwelkom feesgangers in die huise van die Kaapse Maleiers wat vir meer as 300 jaar steeds hul kulturele geskiedenis, daaglikse tradisies, kos, kuns, kultuur en gesinslewe respekteer.
Die Bo-Kaap Meander bied feesgangers kulturele kleur, smaak, reuk en tekstuur wat uniek is aan Kaap-Maleise kookkuns. Kom laat toe dat die Suidoosterwind jou deur die strate van beeldskone Bo-Kaap laat dwarrel.
Vertrekpunt met bussies vanaf D.F Malan straat reg voor die Kunstekaap Teatersentrum.
Datum: 2 Mei
Kaartjies: R 280
Suidoosterfees 2015
No comments :
Post a Comment