Gestoofde appelkose in brandewynstroop

Halveer en ontpit jou appelkose voor jy begin.

Meng 250 mℓ suiker en 250 mℓ water in ’n souspan. Verhit dit stadig terwyl jy aanhoudend roer. Roer tot die suiker opgelos is.
Kook nou die appelkose in hierdie stroop vir 15 minute.

Lig die appelkose uit die stroop met ’n gaatjieslepel en plaas op die bord waarop jy hulle gaan bedien.

Gooi 125 mℓ brandewyn by die stroop en kook verder vir 5 minute.
Gooi die stroop oor die appelkose en laat dit afkoel.
Hou dit ’n klein tydjie in die yskas voor jy dit bedien.

(foto: Isabelle Boucher)