Kaasbeskuitjies

Hierdie kaasbeskuitjie is ’n ou staatmaker peuselhappie. Reg vir enige smeer, groente, vleis of vis.

90 g meel
90 g gerasperde cheddar
90 g botter
Knypie sout
Knypie mosterdpoeier
Knypie rooipeper

Sif die droë bestanddele saam en vryf die botter by.
Meng die kaas by.
As die mengsel nie lekker bind nie kan jy ’n geklitste eiergeel byvoeg.
Sny die deeg in vorms of gebruik ’n koekiedrukker
Bak by 160°C tot dit hard en goudbruin is.