Die arm man se kaviaar / Caviar d’aubergines

Bak ’n groot eiervrug in ’n 200°C-oond tot sag – dit neem omtrent 1 uur.

Intussen kap jy die volgende fyn:
1 ui
1 klein groen soetrissie
4 tamaties
’n knoffelhuisie

Braai die groente en knoffel tot sag in 8 eetlepels olyfolie.

Skil die gebakte eiervrug en kap dit fyn. Voeg by die gebraaide bestanddele en braai nog 2 minute om alles te verhit.
Geur met sout en peper en laat afkoel.

Roer die volgende by die afgekoelde mengsel:
2 eetlepels witwyn
2 eetlepels olyfolie
2 eetlepels fyngekapte pietersielie

Plaas die “kaviaar” in die yskas om koud te word.

Bedien met Franse brood.