Mosambiekse Steurgarnaalkerrie a la Tofo / Mozambique Prawn Curry

2 kg steurgarnale, uitgedop
Sprietui of klein ui, fyn gekerf - koppie vol
Vars knoffel ± 4 groothuisies, fyn gekerf/druk
Vars gemmer
rissies, ongeveer 3 ontpit en fyn gekerf
Koljander, fyn gestamp - so twee eetlepels
Klapper, twee eetlepels
Blik coconut milk
Exstra virgin olyfolie
Lekker Kerrie, so twee tot drie eetlepels (curry paste werk, groen of rooi)
Paprika vir kleur en geur, een eetlepel
Gedroogde kerrieblare
Sout
Suurlemoen
Vars koljanderblare vir garnish en ekstra geur. Gekneusde suurlemoenblare werk ook sit net vroeër by.

Braai uie in olyfolie tot amper bruin. Voeg knoffel, gemmer, rissies en klapper by - braai nog n bietjie - voeg nou die koljander, kerrie, kerrieblare en paprika by braai tot geure en kleure lekker gemeng het. Olyfolie kan bygevoeg word as dit te droog word.
As mengsel nou lekker gebraai het voeg dan die blik coconut milk by en kook vir so 10 - 15 minute voeg so bietjie bier by as dit te droog wil word. Sout en suurlemoensap na smaak.
As die kerrie reg is. Braai die garnale in 'n aparte pan, BAIE vinnig in olyfolie, dit moet net verkleur.
Voeg nou die prawns by die kerrie roer liggies en sprinkel die koljanderblare oor.

Bedien op wit rys (Basmati/Jasmine) saam met n mengelslaai van kersietamaties of 'n salsa. Poppadums is ook 'n wenner saam.

Behoort genoeg te wees vir ses volwassenes wat 'n voorgereg gehad het.

resep: Wattie