Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes


7/12/2008

Oblietjies

Oblietjies is 'n baie dun tipe wafel wat deur die Franse Hugenote gemaak is. Jy het 'n spesiale oblietjiepan of -yster hiervoor gebruik, maar vandag gebruik ons sommer twee braaipanne.

110 g botter
225 g strooisuiker

2 eiers
5 ml fyn kaneel
2 ml sout
250 g meel
250 ml sjerrie

Verroom die botter en suiker saam. Klits die eiers en klits dit dan by die bottermengsel.
Voeg die kaneel en sout by die meel en sif dit twee keer.
Meng die meel en botter goed asook die sjerrie.
Die mengsel moet omtrent soos pannekoekdeeg lyk.
Smeer 'n swaarboom pan met botter en maak dit warm.
Gebruik omtrent twee teelepels deeg op 'n slag om een oblietjie te maak.
Druk 'n ander pan op die oblietjie en los dit op. Draai die oblietjie na 3 minute om.
Die oblietjie is reg wanneer dit ligbruin is.
Rol die oblietjies op met 'n vurk en laat dit afkoel.

Dit word normaalweg met room bedien.


No comments :

Post a comment