Pampoenbredie / Pumkin Stew

1 kg pampoen, in blokkies gesny
50 g botter
700 g skaapvleis, in stukke gesny
2 uie, in halwe ringe gesny
1 cm vars gemmer, fyn opgesny
1 rissie, pitte verwyder en fyn opgesny
1 knoffelhuise, fyn opgesny
2 kardamon sade, gekneus
2 koljandersade, fyn gestamp
100 ml water
100 ml witwyn
15 ml bruinsuiker
'n stuk pypkaneel
sout en varsgemaalde witpeper
15 ml suurlemoensap

Verhit die botter en verbruin die vleis saam met die uie, gemmer, rissie, knoffel, kardamon en koljander.
Gooi 'n bietjie van die water en wyn by en bedek. Prut oor baie lae hitte vir 1 en 'n halwe uur. Voeg water en wyn by soos nodig en skud van tyd tot tyd.
Voeg die pampoen, suiker, pypkaneel en sout en peper by. Prut vir 'n verdere 30 minute tot die pampoen en vleis sag is. Voeg water en wyn by soos nodig en skud van tyd tot tyd.
Voeg die suurlemoensap by en proe vir sout en peper.