Peperskyf / Pepper Steak

'n Groot gunsteling oral waar jy gaan in Suid-Afrika.

(bedien 6)
6 biefstukke
50 ml swartpeperkorrels, effens fyngedruk
50 g botter
40 ml olyfolie
40 ml brandewyn
125 ml room
sout

Druk die peper vas aan weerskante van die biefstuk.
Verhit die helfte van die botter saam met die helfte van die olyfolie in 'n pan tot baie warm en verseël die biefstuk aan beide kante, 1 minuut elke kant.
Draai die hitte af en kook verder volgens jou smaak.
Voeg die res van die botter, olie en brandewyn by die pansappe. Bring tot kookpunt en roer die room stadig by.
Gooi die sous oor die biefstuk en bedien dadelik.