Springmielie balle / Popcorn balls

8 koppies springmielies, hou dit warm in 'n oond teen 90°C
kwart koppie botter
1 teelepel vanielje
derde koppie goue stroop
1 koppie suiker
'n halwe teelepel sout

Plaas die botter, stroop, suiker, 'n derde koppie water en die sout in 'n dikboom kastrol en verhit stadig tot kookpunt terwyl jy dit aanhoudend roer.
Hou op met roer en laar kook tot jou stroop reg is ('n teelepel stroop in 'n glas water sal dadelik verhard en stukkies vorm - 133°C).
Verwyder die kastrol van die plaat en roer die vanielje by.
Meng die stroop met die springmielies.
Laat alles effe afkoel.
Smeer jou hande met botter en maak balletjies. Hierdie mengsel sal jou ten minste 12 balletjies gee.
Laat die balletjies op waspapier verhard.