Waatlemoen en feta slaai - met rooi ui, lemmetjiesap, pietersielie, kruisement, olywe en swartpeper / Watermelon and feta salad

Resep 1
Sny feta en waatlemoen in blokkies en sprinkel vars suurlemoensap, olyfolie en swartpeper oor vir 'n interessante voorgereg of as slaai saam met geroosterde visgeregte.

Resep 2
1 rooi ui, in halwe ringe gesny
sap van 4 lemmetjies
1,5 kg waatlemoen, ontpit en in blokkies gesny
250 g feta, in blokkies
handvol pietersielie, gebruik net die blare
handvol kruisement, gekap
4 eetlepels olyfolie
100g swart olywe, ontpit
varsgemaalde swartpeper

Laat die uie in die lemmetjiesap lê vir een uur.
Pak die waatlemoen en feta in 'n groot plat bord.
Gooi die pietersielie en kruisement oor.
Gooi die uie en die sap by asook die olyfolie en die olywe. Meng liggies met jou hande. Maal swartpeper oor.