Cremoratert

3 koppies Cremorapoeier
1½ koppies kookwater
1 blikkie kondensmelk
halwe koppie suurlemoensap
1 pakkie Tennisbeskuitjies

1. Meng 3 koppies Cremorapoeier op 1½ koppie kookwater saam. Laat afkoel (sit in vrieskas verkieslik).
2. Klop met klitser tot styf.
3. Voeg die kondensmelk by en direk daarna suurlemoensap.
4. Skep in twee tertborde wat met tennisbeskuitjies uitgepak is.
5. Krummel van die beskuit wat oor is, oor die tert.
6. Dit is beter as u 'n vierkantige bak gebruik. Verskillende lekkernye kan bo-oor gesit word.

Resep: Janet Rossow

Resep 2

500 ml Cremora
1 pakkie tennisbeskuitjies, gekrummel
1 blik kondensmelk
250 ml warm water
125 ml botter
125 ml suurlemoensap

Voeg die Cremora by die warm water en klits tot opgelos. Laat oornag in yskas. Meng beskuitjies met die botter en druk vas in 'n tertbord met 'n deursnee van 27 cm. Plaas in yskas. Klits die kondensmelk by jou mengsel. Roer die suurlemoensap by tot dit verdik. Skep die vulsel in kors en plaas in yskas.