Maleisiese hoenderbredie met patats / Malaysian Chicken Stew with Sweet Potatoes

125 ml meel
5 ml Cayenne peper
5 ml gemaalde kaneel
5 ml gemaalde naeltjies
2 hoenders, in stukke gesny
125 ml olyfolie
2 uie, dun gesny
3 eetlepels fyngekapte gemmer
2 eetlepels fyngekapte knoffel
5 eetlepels kerriepoeier
2 eetlepels fyngekapte rissie
2 blokkies hoenderaftreksel, aangemaak met een liter water
4 patats, in stukke gesny
250 ml kokosneutmelk
¼ koppie vars fyngekapte koljander

Meng die meel, peper, kaneel en naeltjies.
Bedek elkeen van die hoenderstukke met die meelmengsel.
Verhit die olie in 'n kastrol en verbruin die hoender, so vier minute aan 'n kant. Verwyder die hoenderstukke en gooi die uie in. Braai vir vyf minute. Voeg die gemmer, knoffel, kerrie en rissie by en braai vir nog 'n minuut. Voeg die hoender, patats en aftreksel nou by. Bedek en kook vir een uur.
Gooi die melk in en kook vir nog 'n minuut.
Verwyder van die hitte, gooi die koljander in en bedien.

(bedien 6)