Oesterrysvormpies met spinasie / Oyster Rice Molds with Spinach

Gebruik die gekoopte skulpvormige voorgeregbakkies.

250 ml rys
30 ml margarien
20 ml olie
1 ui, fyngekap
1 selderystingel, fyngekap
250 g spinasie
450 ml hoenderaftreksel

Verhit die margarien en braai die ui en seldery tot deurskynend.
Voeg rys en spinasie by en dan warm hoenderaftreksel.
Geur met Aromat.
Kook tot die rys gaar is.

Oestervulsel:
225 g oesters, gedreineer
300 ml witsous (gekoopte poeiersous met geur na jou smaak kan ook gebruik word.)
100 ml kaas

Skep rysmengsel in bakkies. Plaas oesters bo-op en skep witsous bo-oor en strooi gerasperde kaas oor.
Sit onder rooster tot kaas bruin is.
Moenie die oond toemaak nie.

(maak 8 - 10 skulpies)

Resep: Petro van der Westhuizen