Salm-en-vinkelpasta / Salmon and Fennel Pasta

4 salotte, gekap
15 ml olyfolie
250 g sampioene, gesny
1 knoffelhuisie, dun gesny
400 g Noorweegse salm, vel verwyder
300 ml witwyn
1 blokkie groenteaftreksel
200 ml vars vinkel, gekap
500 g tagliatelle
200 g crème fraìche
Maldon sout
Vars gemaalde swartpeper
suurlemoenskil, gerasper

Soteer die salotte en knoffel in die olie tot sag. Voeg die sampioene by en roerbraai tot gaar. Plaas die salm bo-op, giet die wyn oor, gooi die aftreksel in en voeg die helfte van die vinkel by. Prut oor lae hitte vir 20 minute. Kook intussen die pasta gaar en dreineer. Meng die orige vinkel en die crème fraìche met die salm-mengsel sodra dit gaar is. Voeg die mengsel by die pasta en geur met sout en peper. Strooi die suurlemoenskil oor.

(bedien 4 persone)