Fritata met pikante rissies, feta en olywe / Fritata with Spicy Peppers, Feta and Olives

40 ml olyfolie
250 ml ui, gekap
2 knoffelhuisies, fyn gekap
8 eiers
60 ml room
125 ml feta, gekrummel
6 pikante rissies (Peppadews), gekap
125 ml swart olywe, ontpit en gekap
60 ml basielkruidblare
30 ml parmesan, gerasper
sout en peper

Braai die uie en knoffel in die olie vir 5 minute. Klits die eier en room en geur liggies met sout en peper. Roer die feta, rissies, olywe en basielkruid by die eiermengsel. Gooi die mengsel in die pan by die uie en knoffel. Kook oor matige hitte. Gebruik ´n spatsel om die rand van die fritata los te maak sodra die mengsel begin stol. Laat die rou mengsel daar inloop. Die oppervlakte van die fritata moet nog klam wees wanneer jy klaar is. Strooi nou die parmesan oor en rooster die fritata tot gaar.

Garneer met basielkruid.