(bedien 4)
1 kg eiervrug
olyfolie
2 knoffelhuisies, fyn gekap
1 ui gekap
2 blikke gekapte tamaties
knippie bruinsuiker
500 g Mozzarella, gerasper
125 ml Parmesaan, gerasper
handvol basielkruidblare
125 ml droë broodkrummels
sout en varsgemaalde swartpeper
Sny die eiervrug in lang repe in die lengte. Plaas in ´n vergiettes en sprinkel sout oor elke laag. Laat staan vir 1 uur. Spoel af en druk droog met kombuispapier. Verhit olie in ´n pan en braai die eiervrug tot dit goudbruin is aan weerskante. Dreineer op kombuispapier. Verhit olie in ´n kastrol en soteer die ui tot sag. Voeg die knoffel by en braai vir 1 minuut. Voeg die tamaties, bruinsuiker, sout en peper by. Prut tot die sous dik en geurig is. Pak ´n laag eiervrug in ´n gesmeerde oondbak met van die sous bo-oor gevolg deur Mozarella, basielkruid en parmesaan. Herhaal en eindig met eiervrug. Sprinkel parmesaan en broodkrummels oor en bak vir 45 minute tot borrelend en goudbruin.
No comments :
Post a Comment