Linda-koekies

Smeer 'n glasbak van so 20 by 30 cm met margarien.

Nodig: 250 g margarien (Stork Bake)
75 ml kakao
500 g versiersuiker
1 ekstra groot eier
1 pak Mariebeskuitjies (200 g)
vanilla

Smelt margarien oor lae hitte en roer gesifte versiersuiker en kakao by met 'n whisk. Klop deeglik, die mengsel is nie heeltemal glad nie. Roer geklitste eier bietjie vir bietjie by, die mengsel raak nou glad.
Gooi 'n paar druppels vanilla by en klop lekker.
Haal van stoof af. Roer gebreekte koekies in.
Skep die mengsel in die glasbak, maak gelyk.
Strooi fyn neute oor indien verkies.
Laat afkoel in yskas, sny in blokkies.

Geniet, steek weg indien nodig.