Botterkaramel

350 ml bruinsuiker
10 ml asyn
200 g botter
200 ml water
2,5 ml vanieljegeursel

Meng suiker, asyn, botter en water in ‘n kastrol.
Roer dit oor stadige hitte tot die suiker opgelos is. Kook sonder om verder te roer tot dit die harde kraakstadium bereik het, as dit in koue water getoets word.
Voeg die vanieljegeursel by en gooi dit in ‘n vlak pan wat met botter gesmeer is.

Laat dit effens afkoel en merk vierkantige blokkies daarop uit voordat dit hard en koud is.

Breek in stukkies wanneer dit koud is.