Gebakte vleisgereg

500 g maalvleis
sout
peper
knypie neutmuskaat
knypie gemaalde gemmer
2 uie, fyn opgesny
½ groen soetrissie, in blokkies gesny
2 eetlepels olie
1 pakkie tamatiesop, aangemaak volgens die aanwysings
1 blik mielies
1 blik sampioene
180 g spaghetti
cheddar, gerasper

Verhit die olie en braai die uie daarin tot ligbruin.
Voeg die vleis by en braai tot dit begin verkleur.
Roer die speserye by.
Voeg die soetrissie by en dan die tamatiesop.
Voeg nou die spaghetti, mielies en sampioene by.
Kook alles saam vir 15 minute.

Skep die mengsel in ’n oondbak, strooi die cheddar oor en bak tot bruin in ’n 180ºC oond.

resep: Bettie van Zyl