Braak

Nie juis ’n naam wat in Afrikaans jou aptyt wek nie, maar die smaak maak beslis op vir die naam. Braak is ’n Libiese lamsvleisgereg wat in druiweblare gebak word.

125 mℓ rys
15 mℓ droë kruisement
genoeg druiweblare vir die bestanddele
125 mℓ suurlemoensap
3 tamaties, in blokkies gesny
2,5 mℓ sout
500 g lamsvleis, in blokke gesny
2,5 mℓ swartpeper
’n hand vol vars koljander
15 mℓ tamatiepasta
1 ui, in blokkies gesny
125 mℓ olyfolie

Meng al die bestanddele saam, behalwe die druiweblare.

Verdeel die mengsel tussen die druiweblare. Vou die mengsel toe in die blare. Plaas die bakkies in ’n oondbak.

Bak vir 1 uur by 180ºC.

Braak kan ook as happies bedien word.

Stuur jou resepte na con@qvrp.net . Foto's van die resepte is ook welkom.