Château-aartappels

Die Château is ’n afkorting van Châteaubriand, omdat dit veral saam met Châteaubriand-biefstuk bedien word.

500 g aartappels, geskil en in kwarte gesny in die lengte
60 g botter
sout

Sny die aartappelkwarte se skerp puntjies af. Was die aartappels en droog dit goed af.

Smelt die botter in ’n kastrol en braai die aartappels goudbruin oor matige hitte. Die kastrol moet in die oond ook kan gaan. Skud die kastrol nou en dan om te verhoed dat die aartappels vassit.
Aan die einde strooi jy sout oor. Met die deksel op bak jy dit in ’n 200ºC oond vir 10-minute.